අන්තර් විශ්වවිද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ ත්රස්තවාදය වැලැක්වීමේ පනත යටතේ එල්ල කර තිබූ චෝදනාවලින් නිදහස් කිරීමට මහේස්ත්රාත් අධිකරණය ගත් තීරණය පිළිබඳ ප්රතිශෝධනයක් ඉදිරිපත් කිරීමට හෝ අභියාචනයක් කිරීමට සලකා බලන ලෙස පොලිස් මූලස්ථානය නීතිපතිවරයාගෙන් ඉල්ලීමක් කර තිබේ.
අවසාන තීරණය නීතිපති අතේ
පොලිස්පතිවරයාගේ උපදෙස් මත පොලිස් මූලස්ථානයේ නීති කොට්ඨාසය මගින් ඊයේ (02) මෙම ඉල්ලීම සිදු කළ බව පොලිස් මාධ්ය ප්රකාශක, ජ්යේෂ්ඨ පොලිස් අධිකාරි නිහාල් තල්දූව thetime.lk වෙත සඳහන් කළේය. පොලිසියට මේ සම්බන්ධයෙන් ඉල්ලීමක් පමණක් කළ හැකි බවත්, එසේ කටයුතු කරන්නේද යන්න සම්බන්ධයෙන් අවසාන තීරණය ගත යුත්තේ නීතිපතිවරයාගේ පාර්ශ්වයෙන් බවත් මාධ්ය ප්රකාශකවරයා වැඩිදුරටත් පැවසීය.
අධිකරණයට එරෙහිවීමක් නෑ
මෙමගින් අධිකරණ තීන්දුවට එරෙහි වීමක් හෝ එය විවේචනය කිරීමක් සිදුනොවන බවත්, ඕනෑම තීන්දුවක් සම්බන්ධයෙන් නීතියේ ඇති අභියාචන අවස්ථා භාවිතයට ගැනීමක් පමණක් සිදුවන බවත් අප කළ විමසීමේදී ඔහු තවදුරටත් සඳහන් කළේය.
නීතිපති නිහඬයි
කෙසේ වෙතත් නීතිපති දෙපාර්තමේන්තුව පාර්ශ්වයෙන් අප කළ සොයාබැලීමේදී හෙළිවූයේ මෙතෙක් අදාළ ඉල්ලීම සම්බන්ධයෙන් එම දෙපාර්තමේන්තුව අවසාන තීරණයක් ගෙන නැති බවයි. එම දෙපාර්තමේන්තුවේ ජ්යේෂ්ඨ නීතිඥවරයෙකු පැවසුවේ සාමාන්යයෙන් මෙවැනි තීරණයක් නීතිපතිවරයා තනි ව නොගන්නා බවත්, ජ්යේෂ්ඨ නියෝජ්ය සොලිසිටර් ජනරාල්වරුන් ඇතුළු ජ්යේෂ්ඨ නීතිවේදීන් සමග එක්ව ගන්නා බවත් ය.
එහෙත් මෙය මුළුමනින්ම දේශපාලන තීන්දුවක් වීමේ වැඩි ඉඩක් නොපවතින්නේද යනුවෙන් විමසීමේදී ඔහු සඳහන් කළේ එසේ විය හැකි වුවත්, මෙහි අභියාචනයක් කිරීමට පදනමක් තිබේද, එය පවත්වාගෙන යා හැකිද යන කරුණු නීතිපති දෙපාර්තමේන්තුව පාර්ශ්වයෙන් ජ්යේෂ්ඨයන් එක්ව අධ්යයනය කරන බවයි.
වසන්ත වරදක් කර නෑ !
කොළඹ ප්රධාන මහේස්ත්රාත් ප්රසන්න අල්විස් විසින් පසුගිය 31දා වසන්ත මුදලිගේ නිදහස් කිරීමට නියෝග කරන ලදි. ඒ, ත්රස්තවාදය වැලැක්වීමේ පනත යටතේ ඔහුට එරෙහිව කටයුතු කිරීමට ප්රමාණවත් සාක්ෂි ඉදිරිපත් නොවීමත්, එම පනත යටතේ ඔහු වරදක් කර ඇති බව අනාවරණය නොවීමත් නිසා බව අධිකරණ තීන්දුවේ දැක්විණි.
සබැඳි පුවත්
- වසන්ත මුදලිගේ නිදොස් කොට නිදහස් : විරෝධතා වැලැක්වීමේ ඉල්ලීමත් අධිකරණය ප්රතික්ෂේප කරයි !
- ත්රස්තවාදය වැලැක්වීමේ පනතින් හිරගේ ඇතුළේ මරාදැමෙන ජීවිත : ‘විසාකේසගේ මුදලිගේ – සෙල්ලපුල්ලේ කාර්යයේ වටිනාකම කොපමණද ?’
- පූර්ව දැනුම්දීමකින් තොරව මානව හිමිකම් කොමිසම වසන්ත මුදලිගේ පරීක්ෂා කරයි – බන්ධනාගාර නිලධාරීන් කොමිසමට කැඳවයි !
- වසන්ත මුදලිගේ – සිද්දික් කප්පන් : මර්දනයේ සහෝදරත්වය !
- වසන්ත සිර කර දින 150යි : මානව හිමිකම් සංවිධාන 7ක් බලපෑම් කරද්දී ආණ්ඩුවට අදත් බර වියදම් !
- වසන්ත සිර කර දින 126ක් : පපුවේ වේදනාවක් නිසා රෝහල්ගත කළා – බන්ධනාගාර කොමසාරිස්
- මර්දනය : නීතිපති උපදෙස් නෑ – වසන්ත යළි රිමාන්ඩ් !
- “මුදලිගේ සහ සිරිධම්ම හිමියන්ට බලපාපු ත්රස්තවාදය වැළැක්වීමේ පනත කරුණා, පිල්ලෙයාන්, කේ.පී. ට තිබුනද?”
- වසන්ත – සිරිධම්ම හිමි රිමාන්ඩ් : නීතිපති උපදෙස් තවම නෑ !
- රැඳවුම් නියෝග දීර්ඝ නොකරයි : මුදලිගේ – සිරිධම්ම හිමි ත්රස්තවාදී චෝදනා දිගටම ?
- අරගල භූමියෙන් එලවූ චූදිතයාගේ කරේ ත්රස්ත විමර්ශනය එල්ලෙයි : මොකුත් කියන්න බෑ – බස් ගැමුණු
- ආණ්ඩුව පොලිසිය යොදවා සීමාවක් නැතුව අධිකරණයට අපහාස කරයි !
- ‘ඕක අතහැරලා දාන්න’ – ජ්යෙෂ්ඨ නියෝජ්ය පොලිස්පති උපදෙස් දෙයි : පොලිසියේ කාන්තා පහසුකම් කමිටුව ලත් තැන ලොප් !