රුධිර පීඩනය වැඩි වීම හේතුවෙන් වෛද්ය නිර්දේශ මත අන්තර් විශ්වවිද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ බන්ධනාගාර රෝහලට ඇතුළත් කර තිබේ.
ඊයේ (22) රාත්රියේ ඔහු මෙසේ රෝහල්ගත කර ඇත. මේ සම්බන්ධයෙන් thetime.lk කළ විමසීමකදී බන්ධනාගාර කොමසාරිස් චන්දන ඒකනායක සඳහන් කළේ පපුවේ වේදනාවක් ඇති බව වසන්ත මුදලිගේ විසින් දැනුම්දීමෙන් පසු කොළඹ රිමාන්ඩ් බන්ධනාගාරයේ වෛද්යවරයා විසින් ඔහු පරීක්ෂා කර ඇති බවත්, රුධිර පීඩනය වැඩි නිසා ඔහු රෝහල්ගත කිරීම සුදුසු බවට වෛද්යවරයා නිර්දේශ කර ඇති බවත් ය.
පසුගිය අගෝස්තු 18දා අත්අඩංගුවට ගත වසන්ත මුදලිගේ ත්රස්තවාදය වැළක්වීමේ පනතේ ප්රතිපාදන යොදාගනිමින් දින 89ක් රඳවා ගැනිණි. ඉන්පසු ශ්රේෂ්ඨාධිකරණය විසින් කළ නියෝගයක් මත ඔහු තංගල්ල මහේස්ත්රාත් අධිකරණයට ඉදිරිපත් කරන ලදි. මේ වන විට ඔහු කොළඹ ප්රධාන මහේස්ත්රාත් අධිකරණයෙන් කළ නියෝගයක් මත රක්ෂිත බන්ධනාගාරගත කර තිබේ.
ඔහුව ඇප මත මුදාහරින ලෙස අධිකරණයෙන් කරන ලද ඉල්ලීමක් ප්රතික්ෂේප කරනු ලැබුවේ නීතිපතිවරයා විසින් තවදුරටත් විමර්ශන කළ යුතු බව දැනුම් දීම නිසා ය.
කෙසේ වෙතත් වසන්ත මුදලිගේ හිරකිරීම සඳහා, අත්තනෝමතික ලෙස මුදල් එකතු කිරීමේ චෝදනාව මත ගෝල්ෆේස් අරගල භූමියෙන් පලවාහරින ලද අයෙකු යොදාගැනීමට ත්රස්ත විමර්ශන කොට්ඨාසය කටයුතු කර ඇතැයි ඉන්පසු නීතිවේදීන් අනාවරණය කරන ලදි.
පසුගිය 13දා මීට අදාළ නඩුව අවසන් වීමෙන් පසු වසන්ත මුදලිගේ වෙනුවෙන් පෙනීසිටින නීතිඥ නුවන් බෝපගේ මාධ්ය වෙත අදහස් දක්වමින් පැවසුවේ මෙම සිද්ධිය සම්බන්ධයෙන් සමාජ මාධ්ය ජාලවල ප්රකට ව සිටින මෝටිවේෂන් අප්පච්චි නොහොත් පියුමාල් සමරසිංහ විසින් ත්රස්ත විමර්ශන කොට්ඨාසය වෙත ලබාදී ඇති ප්රකාශයක් ඉදිරිපත් කරමින් වසන්ත මුදලිගේ තවදුරටත් රඳවා තබාගෙන සිටින බවයි.
සබැඳි පුවත්
- මර්දනය : නීතිපති උපදෙස් නෑ – වසන්ත යළි රිමාන්ඩ් !
- “මුදලිගේ සහ සිරිධම්ම හිමියන්ට බලපාපු ත්රස්තවාදය වැළැක්වීමේ පනත කරුණා, පිල්ලෙයාන්, කේ.පී. ට තිබුනද?”
- වසන්ත – සිරිධම්ම හිමි රිමාන්ඩ් : නීතිපති උපදෙස් තවම නෑ !
- රැඳවුම් නියෝග දීර්ඝ නොකරයි : මුදලිගේ – සිරිධම්ම හිමි ත්රස්තවාදී චෝදනා දිගටම ?
- අරගල භූමියෙන් එලවූ චූදිතයාගේ කරේ ත්රස්ත විමර්ශනය එල්ලෙයි : මොකුත් කියන්න බෑ – බස් ගැමුණු
- ආණ්ඩුව පොලිසිය යොදවා සීමාවක් නැතුව අධිකරණයට අපහාස කරයි !
- ‘ඕක අතහැරලා දාන්න’ – ජ්යෙෂ්ඨ නියෝජ්ය පොලිස්පති උපදෙස් දෙයි : පොලිසියේ කාන්තා පහසුකම් කමිටුව ලත් තැන ලොප් !