අන්තර් විශ්වවිද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ රඳවා සිටින කොළඹ රක්ෂිත බන්ධනාගාරයට ගිය මානව හිමිකම් කොමිෂන් සභාවේ නියෝජිතයන් ඔහුගේ රැඳවුම් තත්ත්වය සහ සනීපාරක්ෂක පහසුකම් පිළිබඳ නිරීක්ෂණය කර තිබේ.
ඊයේ (11) මෙසේ පූර්ව දැනුම්දීමකින් තොරව බන්ධනාගාරයට ගොස් ඇත්තේ කොමිෂන් සභාවේ කොමසාරිස් වෛද්ය නිමල් කරුණාසිරි, කොමිෂන් සභාවේ අධ්යක්ෂ (අධීක්ෂණ සහ ඇගයුම්) නිහාල් චන්ද්රසිරි සහ කොමිෂන් සභාවේ තවත් නිලධාරීන් දෙදෙනෙකි. මෙසේ පූර්ව දැනුම්දීමකින් තොරව සිරකරුවන් නිරීක්ෂණය කිරීමට යා හැකිදැයි thetime.lk කළ විමසීමකදී කොමිෂන් සභාවේ අධ්යක්ෂවරයෙකු පැවසුවේ ශ්රී ලංකා මානව හිමිකම් කොමිෂන් සභා පනතේ 11(ඈ) සහ 28(2) වගන්ති ප්රකාර ව හිමිවී ඇති බලතල අනුව මෙවැනි හදිසි පරික්ෂා කිරීම් කළ හැකි බවයි.
මෙහිදී වසන්ත මුදලිගේ රඳවා සිටින ස්ථානය වෙත ම ගොස් ඔහුගේ රැඳවුම් තත්ත්වය පරීක්ෂා කළ බවත්, රැඳවුම් තත්ත්වය වැඩිදියුණු කිරීම සඳහා කළ යුත්තේ මොනවාද යන්න පිළිබඳව බන්ධනාගාර නිලධාරීන් දැනුවත් කළ බවත් කොමිසමේ මාධ්ය ප්රකාශකවරයා පැවසීය. මෙය සිදු කර ඇත්තේ කොමිෂන් සභාව මගින් ක්රියාත්මක කරනු ලබන වධහිංසා වැලැක්වීමේ ජාතික යන්ත්රණයේ (National Preventive Mechanism – NPM) කොටසක් ලෙස ය.
මෙහිදී රැඳවියන්ගේ ආහාර සහ එම ආහාර පිළියෙළ කරන ආකාරය ද කොමිසමේ නිලධාරීන්ගේ පරීක්ෂාවට ලක්වී තිබේ. එහිදී හඳුනාගත් කරුණු පිළිබඳ වැඩිදුර විමසීම සඳහා බන්ධනාගාර නිලධාරීන් ඉදිරියේදී කොමිසම වෙත කැඳවීමට නියමිත බව ද එහි මාධ්ය ප්රකාශකවරයාගේ අත්සනින් නිකුත් කළ නිවේදනයක සඳහන් වේ.
මේ අතර සිරකරු අයිතිවාසිකම් සුරැකීමේ කමිටුව, සිරකරුවන් සම්බන්ධයෙන් පර්යේෂණ සහ ඔවුන්ගේ මානසික සෞඛ්ය පිළිබඳව වැඩසටහන් සිදුකරා සෞඛ්ය අංශ සහ නීතිඥවරුන් පෙන්වා දෙන්නේ මානව හිමිකම් කොමිසමේ මෙවැනි හදිසි පරීක්ෂා කිරීම් අතිශය වැදගත් බවයි. එය සියලුම බන්ධනාගාරවල සිදුකරන්නේ නම් වඩා වැදගත් බවත්, එමගින් සිරකරුවන්ගේ රැඳවුම් තත්ත්වය ඉහළ නැංවීමට සැලකිය යුතු දායකත්වයක් ලැබෙනු ඇති බවත් ඔවුහු අවධාරණය කරති.
මේ අතර හෙට (13) වසන්ත මුදලිගේ යළිත් කොළඹ – කොටුව මහේස්ත්රාත් අධිකරණයට ඉදිරිපත් කිරීමට නියමිත ය. ඒ, පසුගිය මැයි මාසයේ සිදුවූ පහරදීමකට අදාළ නඩුවක් සඳහා ය.
සබැඳි පුවත්
- වසන්ත මුදලිගේ – සිද්දික් කප්පන් : මර්දනයේ සහෝදරත්වය !
- වසන්ත සිර කර දින 150යි : මානව හිමිකම් සංවිධාන 7ක් බලපෑම් කරද්දී ආණ්ඩුවට අදත් බර වියදම් !
- වසන්ත සිර කර දින 126ක් : පපුවේ වේදනාවක් නිසා රෝහල්ගත කළා – බන්ධනාගාර කොමසාරිස්
- මර්දනය : නීතිපති උපදෙස් නෑ – වසන්ත යළි රිමාන්ඩ් !
- “මුදලිගේ සහ සිරිධම්ම හිමියන්ට බලපාපු ත්රස්තවාදය වැළැක්වීමේ පනත කරුණා, පිල්ලෙයාන්, කේ.පී. ට තිබුනද?”
- වසන්ත – සිරිධම්ම හිමි රිමාන්ඩ් : නීතිපති උපදෙස් තවම නෑ !
- රැඳවුම් නියෝග දීර්ඝ නොකරයි : මුදලිගේ – සිරිධම්ම හිමි ත්රස්තවාදී චෝදනා දිගටම ?
- අරගල භූමියෙන් එලවූ චූදිතයාගේ කරේ ත්රස්ත විමර්ශනය එල්ලෙයි : මොකුත් කියන්න බෑ – බස් ගැමුණු
- ආණ්ඩුව පොලිසිය යොදවා සීමාවක් නැතුව අධිකරණයට අපහාස කරයි !
- ‘ඕක අතහැරලා දාන්න’ – ජ්යෙෂ්ඨ නියෝජ්ය පොලිස්පති උපදෙස් දෙයි : පොලිසියේ කාන්තා පහසුකම් කමිටුව ලත් තැන ලොප් !