අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ හෙට (13) දක්වා රක්ෂිත බන්ධනාගාරගත කර තිබේ.
නීතිපතිවරයාගේ උපදෙස් ලැබෙන තුරු වසන්ත ව තවදුරටත් රක්ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් තරංගා මහවත්ත අද (12) නියෝග කළාය.
ත්‍රස්තවාදය වැළැක්වීමේ පනත යටතේ ගොනුකරන ලද චෝදනා මත රක්ෂිත බන්ධනාගාරගත කර සිටින වසන්ත මුදලිගේ, දින 89ක් රැඳවුම් නියෝග යටතේ සිරකර තැබිණි. මේ වන විට ඔහු අත්අඩංගුවට ගෙන දින 114කි.
ගෝල්ෆේස් අරගලයට අදාළ ව වසන්ත මුදලිගේ සහ ගල්වැව සිරිධම්ම හිමි ඉකුත් අගෝස්තු මාසයේදී අත්අඩංගුවට ගැනුණු අතර, නීතිපති උපදෙස් මත පසුගිය නොවැම්බර් 23දා ගල්වැව සිරිධම්ම හිමි ඇප මත මුදාහැරීමට අධිකරණය නියෝග කළේය.
සබැඳි පුවත්