ඉතිහාසයේ පළමු වතාවට හෙට (ජුනි 21) සිට ආරම්භ වන දකුණු ආසියානු පාපන්දු සම්මේලනයේ (SAFF) පාපන්දු ශූරතාවලිය- 2023 සඳහා ශ්රී ලංකා පාපන්දු කණ්ඩායමට සහභාගි වීමට නොහැකි වී තිබේ.
මෙම තරගාවලිය දකුණු ආසියාවේ ප්රධාන පාපන්දු තරගාවලිය වන අතර පසුගිය ජනවාරි 21 වැනිදා ජාත්යන්තර පාපන්දු සම්මේලනය (FIFA) විසින් ශ්රී ලංකා පාපන්දු සම්මේලනයේ සමාජිකත්වය තාවකාලිකව අහිමි කිරීමට ගත් තීරණයත් සමග ශ්රී ලංකා කණ්ඩායමට ඊට සහභාගී වීමේ අවස්ථාව අහිමි වී ඇත.
මෙවර SAFF තරගාවලිය ඉන්දියාවේ සත්කාරකත්වයෙන් හෙට (21) සිට ජුලි 4 වැනිදා දක්වා බැංගලෝර් හි ශ්රී කන්තීරව ක්රීඩාංගනයේදී පැවැත්වීමට නියමිතය.
කණ්ඩායම් 8 ක සහභාගිත්වයෙන් පැවැත්වෙන මෙම තරගාවලිය සඳහා මෙවර මැදපෙරදිග රටවල් දෙකක් වන ලෙබනනය හා කුවේටය ආරාධනා ලබා සිටිති.
1993 වසරේදී ආරම්භ වූ මෙම තරගාවලියේ ශූරතාවය දිනාගනු ලැබුවේ ඉන්දියාවයි.
1995 දී සත්කාරක ශ්රී ලංකාව ශූරයන් වූ ඉන්දියාව පරදා ශූරතාවය දිනා ගත් අතර නැවතත් 1997, 1999 වසරේදී ඉන්දියාව ශූරයන් බවට පත්විය.
2003 සත්කාරක බංගලාදේශය ශූරයන් වූ අතර යළි 2005 වසරේදී ශූරයන් වූයේ ඉන්දියාවයි.
2008 වසරේදී මාලදිවයින ශූරයන් වූ අතර 2009, 2011, වසර වලදී ශූරයන් වූයේද ඉන්දියාවයි. පිළිවෙලින් 2013 ඇෆ්ගනිස්ථානය, 2015 ඉන්දියාව, 2018 මාලදිවයින ශූරතාවය දිනා ගත් අතර 2021 වසරේ මාලදිවයිනේදී පැවැති තරගාවලියේ ශූතාවය දිනා ගනු ලැබුවේද ඉන්දියාවයි.
ඒ අනුව ඉන්දියාව මෙම ශූරතාවලියේ 08 වතාවක් ශූරතාවය දිනාගෙන තිබේ.
සබැඳි පුවත්
- පාපන්දු ආයතනය බලධාරීයෙක් යටතට
- පාපන්දු සම්මේලන පරිපාලන – මූල්ය විමර්ශන වාර්තාව ඇමති අතට
- සුජාන් පාපන්දු නායකත්වයට සමුදෙන්න යයි : චෝදනාව නිලධාරීන්ට
- පාපන්දු ක්රීඩාවේ විනාශයට හිටපු සභාපතිවරුන් වගකිව යුතුයි
- ලෝක පාපන්දු සාමාජිකත්වය ලංකාවට අහිමි කරන්න රටවල් 197ක කැමැත්ත !
- පාපන්දු සම්මේලනයෙන් කෝටි 15ක පොල්ලක් : අපිව දැනුවත් කළොත් උපදෙස් දෙන්නම් – ක්රීඩා අමාත්යංශ ලේකම්
- පාපන්දු විධායක සභාවේ ප්රධාන ලේකම් ඉල්ලා අස්වෙයි
- පාපන්දු නිලවරණය : පෙත්සම් විභාගය මාර්තු 08
- FIFA ලංකාවේ පාපන්දු සාමාජිකත්වය අහිමිකරයි – ජාත්යන්තර තරගත් තහනම්!
- නව පාපන්දු සභාපතිට අතුරු තහනම් නියෝගයක් : මම මැච් එක ගැහුවා – ශ්රී රංගා