ශ්රී ලංකා පාපන්දු සම්මේලනයේ නිලවරණය නීතිවිරෝධී යැයි සඳහන් කරමින් එහි හිටපු සභාපති ජස්වර් උමර් ගොනුකළ රිට් පෙත්සම සම්බන්ධයෙන් විරෝධතා ගොනු කිරීම සඳහා ක්රීඩා ඇමැතිවරයා ඇතුළු වගඋත්තරකරුවන්ට කල් ලබා දීමට අභියාචනාධිකරණය තීරණය කළේය.
ඒ අදාල පෙත්සම ඊයේ (පෙ.බ 21) අභියාචනාධිකරණ සභාපති විනිසුරු නිශ්ශංක බන්දුල කරුණාරත්න සහ එම්.ඒ.ආර්. මරික්කාර් හමුවේ කැඳවනු ලැබූ අවස්ථාවේදීය.
ඒ අනුව පෙත්සමට එරෙහිව ඇති විරෝධතා ලබන මාර්තු මස 1 වැනිදා ගොනු කරන ලෙස වගඋත්තරකාර ක්රීඩා ඇමැතිවරයා එම අමාත්යාංශ ලේකම්වරයා, ක්රීඩා අධ්යක්ෂ ජනරාල් සහ පාපන්දු සම්මේලනයට තේරී පත් වූ නව නිලධාරී මණ්ඩලය ඇතුළු පිරිසට නියෝග කෙරිණි.
එමෙන්ම ඊට අදාළ ප්රතිවිරෝධතා තිබේ නම් ඒවා මාර්තු මස 3 වැනිදා ගොනු කරන ලෙසත් පෙත්සම්කාර පාර්ශ්වයට නියම කෙරුණු අතර පෙත්සම් විභාගය මාර්තු මස 8 වැනිදා සිදු කිරීමට නියමිතය.
පසුගිය (ජනවාරි 14) වැනිදා ක්රීඩා අමාත්යාංශයේ ඩන්කන්වයිට් ශ්රවණාගාරයේදීදා පැවති පාපන්දු නිළවරණය “මූලධර්මවලට පටහැණිව සිදුවුණු බව පවසා එහි හිටපු සභාපති ජස්වර් උමර් අදාළ පෙත්සම ගොනු කළේය.
සබැඳි පුවත්