පාපන්දු ආයතනයේ කටයුතු ඉදිරියට පවත්වාගෙන යාම සඳහා ක්රීඩා අධ්යක්ෂ ජනරාල් ධුරයේ වැඩ බලන ක්රීඩා අමාත්යංශයේ අතිරේක ලේකම් අනුර මුතුමාල පත්කර තිබේ.
ක්රීඩා ඇමැති රොෂාන් රණසිංහගේ අනුදැනුම මත නිකුත් කළ ගැසට් නිවේදනයට අනුව පසුගිය අගහරුවාදා (4) සිට ශ්රී ලංකා පාපන්දු ආයතනයේ මීළග නිලවරණය පැවැත්වෙන තුරු එහි නිසි බලධාරියා ලෙස කටයුතු කරන්නේ අනුර මුතුමාලය.
පසුගිය ජනවාරි (14) දා ක්රීඩා අමාත්යාංශයේ ඩන්කන්වයිට් ශ්රවණාගාරයේදී පැවති නිලවරණයෙන් ශ්රී ලංකා පාපන්දු ආයතනයේ සභාපති ධුරයට පත්වූ හිටපු පාර්ලිමේන්තු මන්ත්රී ජේ. ශ්රී රංගා පත්විය.
ශ්රී ලංකා පාපන්දු සම්මේලනයේ නිලවරණය නීතිවිරෝධී යැයි සඳහන් කරමින් එහි හිටපු සභාපති ජස්වර් උමර් ගොනුකළ රිට් පෙත්සමක් සලකාබැලීමෙන් අනතුරුව අතුරු තහනම් නියෝගයක් නිකුත් කිරීමටද අධිකරණය කටයුතු කළේය.
නිළවරණයෙන් පසුව ඇති වූ අර්බුධකාරී තත්වයත් සමග පාපන්දු සම්මේලනයේ සියළු වැඩ කටයුතු අඩාල වුණු අතර නිලවරණයේදී ජේ ශ්රී රංගාට සහාය වුණු පිරිස් පසුව තනතුරු වලින් ඉල්ලා අස්විය.
මේවනවිට ජාත්යන්තර පාපන්දු සම්මේලනය විසින් (FIFA) විසින් ශ්රී ලංකා පාපන්දු සම්මේලනයේ සාමාජිකත්වය මේවනවිට තාවකාලිකව අත්හිටුවා තිබේ.
අදාල තහනමට අනුව ශ්රී ලංකාව නියෝජනය කරන කිසිදු ක්රීඩකයෙකුට, පුහුණුකරුවෙකුට හෝ නිලධාරියෙකුට මෙන්ම ශ්රී ලංකා ජාතික කණ්ඩායමට වෙනත් කිසිදු තරගාවලියකට හෝ ජාත්යන්තර තරග වලට සහභාගී වීමට නොහැකිය.
සබැඳි පුවත්
- පාපන්දු සම්මේලනයෙන් කෝටි 15ක පොල්ලක් : අපිව දැනුවත් කළොත් උපදෙස් දෙන්නම් – ක්රීඩා අමාත්යංශ ලේකම්
- පාපන්දු විධායක සභාවේ ප්රධාන ලේකම් ඉල්ලා අස්වෙයි
- පාපන්දු නිලවරණය : පෙත්සම් විභාගය මාර්තු 08
- FIFA ලංකාවේ පාපන්දු සාමාජිකත්වය අහිමිකරයි – ජාත්යන්තර තරගත් තහනම්!
- නව පාපන්දු සභාපතිට අතුරු තහනම් නියෝගයක් : මම මැච් එක ගැහුවා – ශ්රී රංගා