ශ්රී ලංකා පාපන්දු ආයතනයේ විධායක සභාවේ (2022-23) ප්රධාන ලේකම් ධුරයට තේරී පත්වූ ඉන්දික තේනුවර එම ධුරයෙන් ඉල්ලා අස්වී තිබේ.
ඉන්දික තේනුවර පසුගිය ජනවාරි 14 වැනිදා පැවැති පාපන්දු ආයතනයේ නිලවරණයේ දී සභාපති ධුරයට පත්වූ හිටපු පාර්ලිමේන්තු මන්තී ජේ.ශ්රී රංගා ට සහය පළ කරමින් එම පාර්ශ්වයෙන් තරග වැදුණු අපේක්ෂකයෙකි.
වත්මන් සභාපතිවරයාගේ ක්රියා කලාපය සම්බන්ධයෙන් ඇතිවු කළකිරීම් හේතුවෙන් ඔහු මෙලෙස සිය තනතුරෙන් ඉල්ලා අස්වී ඇති පාපන්දු සංගම් අභ්යන්තර ආරංචි මාර්ග පෙන්වාදෙයි.
මේ අතර ශ්රී ලංකා පාපන්දු ආයතනයේ වත්මන් විධායක සභාව පත්ව මේ වනවිට මාස එකහමාරක් වන ආසන්න කාලයක් ගෙවමින් තිබුණත් කිසිදු ක්රියාකාරී වැඩසටහනක් මෙතෙක් ආරම්භ නොකිරීම ගැන චෝදනා එල්ල වේ.
විශේෂයෙන්ම පාපන්දු ආයතනයේ වත්මන් සභාපතිවරයාගේ ක්රියාකාලාපය හෙළා දකිමින් ලිපියක් යොමු කිරීමට මීගමුව පාපන්දු ලීගයේ සභාපති රංජිත් රුද්රිගු, පසුගියදා පියවර ගෙන තිබුණි.
එහෙත් ඊට මෙතෙක් වත්මන් සභාපති ජේ ශ්රී රංගා ප්රතිචාර දක්වා නැතැයිද එම ආරංචි මාර්ග පෙන්වාදෙයි.
කෙසේවෙතත් උද්ගතවී තිබෙන ගැටළු හමුවේ පැවැති නිලවරණයේ දී ශ්රී රංගාට ප්රබලයන් ගණනාවක් ඉදිරියේදී රැස්වී ගත යුතු ක්රියාමාර්ග සම්බන්ධයෙන් සාකච්ඡාවක් පැවැත්වීමට තීරණය කර ඇතැයිද වාර්තා වේ.
ජනවාරි 14 වැනිදා පැවැති ශ්රී ලංකා පාපන්දු සම්මේලනයේ නිලවරණය නීතිවිරෝධී යැයි සඳහන් කරමින් එහි හිටපු සභාපති ජස්වර් උමර් රිට් පෙත්සමක් ගොනුකිරීමටද කටයුතු කළේය.
සබැඳි පුවත්