සත්කාරක දකුණු අප්රිකානු ක්රීඩිකාවන් ලකුණු 19කින් පරාජයට පත් කරමින් විස්සයි20 කාන්තා ලෝක කුසලාන ක්රිකට් ශූරතාව දිනා ගැනීමට ඔස්ට්රේලියානු ක්රීඩිකාවන් ඊයේ (06) සමත් විය.
ඕස්ට්රේලියාව කාන්තා විස්සයි20 ලෝක ශූරතාව 6 වතාවක් දිනාගත් අතර මෙවර ඔවුන් ශූරතාවය දිනාගනු ලැබුවේ අඛණ්ඩව තෙවැනි වරටය.
2018 සහ 2020දී පිළිවෙළින් එංගලන්තය සහ ඉන්දියාව පරාජය කරමින් ඔස්ට්රේලියාව එම ශූරතාවයට හිමිකම් කිවේය.
මින් පෙර ඕස්ට්රේලියාව 2010, 2012, 2014 යන වසර වලදීද අඛණ්ඩව තෙවතාවක් ලෝක කුසලාන ශූරතාව දිනා ගැනීමට ඕස්ට්රේලියාව සමත්විය.
2016 දී බටහිර ඉන්දීය කොදෙව් පිල එම ලෝක කුසලානය තමන් සතු කර ගනිද්දී එහි අනුශූරතාවය දිනා ගනු ලැබුවේද ඔස්ට්රේලියාව වීම විශේෂත්වයකි.
කේප් ටවුන්හිදී පැවති අවසන් තරගයේ කාසියේ වාසිය දිනූ ඔස්ට්රේලියානු ක්රීඩිකාවෝ පළමුව පන්දුවට පහරදීමට තීරණය කළ අතර ඔවුන් නියමිත පන්දු වාර 20 අවසානයේ කඩුලු 6ක් දැවී ලකුණු 156ක් රැස් කළහ.
එහිදී බෙත් මූනි නොදැවී ලකුණු 74 ක් රැස් කළ අතර ඇෂ්ලි ගාඩ්නර් ලකුණු 29 ක් රැස් කළාය.
එම ඉලක්කය හඹා ගිය දකුණු අප්රිකානු ක්රීඩිකාවන්ට ඕවර 20 අවසානයේ කඩුලු 7ක් දැවී රැස් කළ හැකි වූයේ ලකුණු 137ක් පමණි.
දකුණු අප්රිකානු පිල වෙනුවෙන් ආරම්භක පිතිකාරිනි ලෝරා වොල්වාට් හුදෙකලා සටනක නිරත වෙමින් දකුණු අප්රිකාව ජයග්රහණය කරා ගෙන යෑමට උත්සාහ කළාය.
සිව්වැනි කඩුල්ල ලෙස ඇය දැවී යන විට ලකුණු 61ක් රැස් කර තිබුණු අතර ක්ලෝයි ට්රයොන් පන්දු 23 කට මුහුණ දෙමින් ලකුණු 25ක් රැස් කළේය.
පන්දු යැවීමේදී ඇෂ්ලි ගාඩ්නර්, ජෙස් ජොනසන්, මේගන් ෂට් සහ ඩාර්සි බ්රවුන් කඩුල්ල බැගින් දවා ගත්හ.
අවසන් තරගයේ දක්ෂතම ක්රීඩිකාව ලෙස බෙත් මූනි නම් කළ අතර, තරගාවලියේ දක්ෂතම ක්රීඩිකාව ලෙස ඇෂ්ලි ගාඩ්නර් සම්මාන දිනා ගත්තාය.
සබැඳි පුවත්
- විස්සයි 20 කාන්තා ලෝක කුසලාන අවසන් තරගය අද
- ශ්රී ලංකාවට දරුණු පරාජයක් – මීළඟ තරගය තීරණාත්මකයි
- ශ්රී ලංකා කාන්තා ක්රිකට් කණ්ඩායමට ‘බෝනස්’ – තරඟ මුදලත් වැඩිකරයි!
- නව ශ්රී ලංකා වාර්තා සමගින් බංගලාදේශය පරාජය කරයි, හර්ෂිතාගෙන් නොදැවී ලකුණු 69 ක්
- පළමු තරගයෙන්ම ශ්රී ලංකාව සත්කාරක දකුණු අප්රිකාව පරාජය කරයි
- කාන්තා විස්සයි20 ලෝක කුසලාන තරගාවලිය අද දකුණු අප්රිකාවේදී ඇරඹේ
- T20 කාන්තා ලෝක කුසලානය : පළමු පුහුණු තරගයෙන් ලංකාවට ලකුණු 2ක ජයක්
- සුසන්තිකා ශ්රී ලංකා කාන්තා ක්රිකට් පිල හා එක්වෙයි : පෙරළියක් කරනවා – චමරි
- වැනේසා ඉතිහාස ගතවෙයි