දකුණු අප්රිකා කාන්තාවන් ඉදිරියේ අවසන් T 20 තරග 5 ම පරාජයට පත්වූ ශ්රී ලංකා ක්රීඩිකාවෝ, ලෝක කුසලාන ආරම්භක තරගයේදී සත්කාරක දකුණු අප්රිකාව පරාජය කළහ. ඒ ලකුණු 3 කිනි. මුලින්ම පන්දුවට පහරදුන් ශ්රී ලංකාව ලකුණු 129 කට සීමා විය. නායිකා චමරි අතපත්තු මෙවර ලෝක කුසලාන ක්රිකට් තරගාවලියේ මංගල අර්ධ ශතකය(පන්දු 68 ට ලකුණු 50) වාර්තා කළාය. ශ්රී ලංකා කාන්තා කණ්ඩායමේ අනාගතය, විශ්මි ගුණරත්න හතරේ පහර 4 ක් සමග පන්දු 34 කදී ලකුණු 35 කි. දකුණු අප්රිකාව ලබාගත්තේ කඩුළු 9 කට ලකුණු 126 කි. ඒ අතරින් ලකුණු 12 ක් අතිරේකය. ඉදිරි තරගවලදී ශ්රී ලංකා ක්රීඩිකාවන් අවධානය යොමු කළ යුතු ඒ පිළිබඳවයි. වයිඩ් පන්දු ගණනාවක් යොමු කෙරිණි. ඉනෝකා රණවීර ලකුණු 18 කට කඩුළු 03 ක් බිඳහෙළූ අතර ඕෂධී රණසිංහ ලකුණු 20 ට කඩුළු දෙකකි.