විස්සයි20 කාන්තා ලෝක කුසලාන ක්රිකට් තරගාවලියේ අවසන් මහා තරගය අද (26) මෙරට වේලාවෙන් පස්වරු 6.30ට පැවැත්වීමට නියමිතය.
පසුගිය 23 වැනිදා ඉන්දියානු පිල සහ ඔස්ට්රේලියානු පිල අතර පැවැති ප්රථම අවසන් පූර්ව තරගයෙන් ඉන්දියාව ලකුණු 05 පරාජයට පත්කරමින් අවසන් මහා තරගයට ඔස්ට්රේලියාව සුදුසුකම් ලබා ගත්තේය.
කෙප් ටවුන්හිදී පැවති දෙවැනි අවසන් පූර්ව තරගයේදී එංගලන්තය ලකුණු 6කින් පරාජය කරමින් දකුණු අප්රිකාව මේ තරගයට එක් වූ අතර, දකුණු අප්රිකානු කාන්තා කණ්ඩායම ලෝක කුසලාන තරගාවලියක අවසන් මහා තරගයට සුදුසුකම් ලැබූ පළමු අවස්ථාව මෙය වේ.
තරගාවලියේ සමාරම්භය සනිටුහන් කරමින් ශ්රී ලංකාව සහ දකුණු අප්රිකාව අතර වූ පළමු තරගය ලකුණු 03කින් දකුණු අප්රිකානු ක්රීඩිකාවන් පරාජයට පත්වුවද ඔවුන් අවසන් තරගය දක්වා පැමිණීම කැපී පෙනිණි.
දකුණු අප්රිකානු ක්රීඩිකාවන් මුහුණදුන් දෙවැනි තරගය නවසීලන්ත කණ්ඩායමට එරෙහිව පැවැති අතර එහිදී නවසීලන්ත ක්රීඩිකාවන් පරදා ලකුණු 65ක විශිෂ්ඨ ජයක් ලබා ගැනීමට දකුණු අප්රිකානු කණ්ඩායම සමත්විය.
කෙසේවෙතත් පසුගිය 18 වැනිදා පැවැති තරගාවලියේ 15 වැනි තරගය ඔස්ට්රේලියානු පිල සහ දකුණු අප්රිකානු පිල අතර පැවැති අතර එහිදී දකුණු අප්රිකාව පරදා පන්දු 21 ක් ඉතිරිව තිබියදී කඩුලු 06 ජය ගැනීමට ඔස්ට්රේලියාවට හැකිවිණි.
ඔස්ට්රේලියාව අඛණ්ඩව මේ තරගයට පිවිසි 7 වැනි අවස්ථාව මෙය වන අතර ඉන් පෙර අවස්ථා 6න් 5කදී ශූරතාව දිනා ගෙන තිබේ.