ප්රබල භූමිකම්පාවක් ඇතිවීමේ ඉඩ ඇති බවත් එය රිච්ටර් මාපකයේ අංශක 8.5ක පමණ ප්රබලත්වයකින් සිදුවනු ඇතැයි තුර්කි – සිරියා භූ කම්පනය පිළිබඳ අනාවැකි පළ කළ ප්රකට භූ විද්යා පර්යේෂකයෙකු වන නෙදර්ලන්ත ජාතික ෆ්රෑන්ක් හූගර්බීට්ස් (Frank Hoogerbeets) ප්රකාශ කර තිබේ.
එලෙස භූ කම්පාවක් ඇතිවීමේ හැකියාව ඇති කලාප රැසක් ලොව පුරා ඇතැයිද, ඉන් එක් කලාපයක් නුදුරු අනාගතයේදී විශාල භුකම්පාවකට ලක් වනු ඇතැයි ද ඔහු ටිව්ටර් ඔස්සේ පවසා ඇත.
ෆ්රෑන්ක් පසුගියදා මුදා හළ මේ පුරෝකථනය පිළිබඳ ජාත්යන්තර වශයෙන් දැඩි අවධානයට ලක්වී තිබේ.
ලෝක සිතියමේ විවිධ කලාප 13ක් රතු පැහැයෙන් සලකුණු කරමින් ෆ්රෑන්ක් පෙන්වා දෙන්නේ එම සලකුණුවලට අදාළ රටවල් හෝ කලාප අතුරින් එක් ස්ථානයක් නුදුරු අනාගතයේදී මේ ව්යවසනයට මුහුණ පානු ඇති බවයි.
එම කලාපවල දිගු කාලයක සිට නිහඬතාවක් පැතිර ඇති බව ඔහු විසින් නිරීක්ෂණය කොට තිබේ. නිරීක්ෂණ අනුව ඔහු එලෙස අනාවැකි පළකර ඇත.
ෆ්රෑන්ක්ගේ ට්විටර් සටහන
මේ අතර පසුගිය 25 වැනිදා ජපානයට සහ පැපුවා නිව්ගිනියාවට පෙරේදා භූ කම්පන දෙකක් සිදු වී ඇතැයි විදෙස් මාධ්ය වාර්තා කළේය.
ජපානයේ උතුරුදිගින් පිහිටි හොකායිඩෝ දූපත ආශ්රිතව සිදු වූ භූ කම්පනය රිච්ටර් මාපකයේ 6.1ක අගයකින් සටහන් වූ අතර එය සතියක් ඇතුළත එරටින් වාර්තා වූ දෙවැනි භූ කම්පනය ලෙස සැලකේ.
කෙසේ වෙතත් මේ භූ කම්පනය හේතුවෙන් පුද්ගල හානි හෝ දේපළ හානි කිසිවක් වාර්තා නොවන අතර, සුනාමි අවදානමක් ද මතු නොවූ බව ජපාන කාලගුණ විද්යා මධ්යස්ථානය නිවේදනය කර තිබිණි.
මේ අතර එදිනම රික්ටර් මාපක අංශක 6.2ක ප්රබල භූකම්පනයක් පැපුවා නිව්ගිනියා හි කැන්ඩ්රියන් ප්රදේශයට පසුගිය සෙනසුරාදා බලපා තිබෙන බව එක්සත් ජනපද භූවිද්යා සමීක්ෂණ අංශය වාර්තා කර තිබිණි.
මේ අතර තුර්කියේ මධ්යම ඇනටෝලියා හි නිග්දා ප්රදේශයේ රික්ටර් මාපකයේ 5.3 ක් වන භූමිකම්පනයක් අද (25) සිදුවී ඇති බව විදෙස් වාර්තා පවසයි.
50,000 කට වැඩි පිරිසකට ජීවිත අහිමි කළ තුර්කි – සිරියා භූ කම්පනයෙන් සතිදෙකකට පසු තුර්කියේ මධ්යම ඇනටෝලියා හි නිග්දා ප්රදේශයේ රික්ටර් මාපකයේ 5.3 ක් වන භූමිකම්පනයක් අද (25) සිදුව ඇත.
මෙම භූ කම්පනය කිලෝ මීටර් 7 ක් එනම් සැතපුම් 4.34ක ගැඹුරින් භූමි අභ්යන්තරයේ හටගෙන ඇති බව කන්දිලි භූමිකම්පා නිරීක්ෂණ මධ්යස්ථානය පෙන්වාදී ඇත.
කෙසේවෙතත් තුර්කි ආපදා කළමනාකරණ ආයතනය පවසා ඇත්තේ මෙම භූ කම්පනයෙන් ජීවිත හානි කිසිවක් මෙතෙක් වාර්තා වී නොමැති බවයි.
සබැඳි පුවත්
- තුර්කියෙන් පසු ඉන්දියාවේ භූ කම්පන අවදානමක් : කොළඹට බලපෑම්? : වසර 02කට පෙරත් අත්දැකීමක් !
- දරුණු භූ කම්පනයෙන් තුර්කිය සහ සිරියාව කැළඹෙයි – ගලවා ගැනීමේ මෙහෙයුම්වලටත් බාධා
- උතුරුදිග සිරියාවේ ගලවාගැනීමේ මෙහෙයුම් අසාර්ථකයි : දේශසීමා හරස් මාර්ග දෙකක් විවෘත කරන්න අවසර
- තුර්කි – සිරියා ව්යවසනය : මියගිය සංඛ්යාව 21,000 ඉක්මවයි