පාස්කු ප්‍රහාරය : සංවිධාන 05ක තහනම පැය 48කින් හෝ සඳුදා ඉවත් කිරීමට ආරක්ෂක අමාත්‍යංශයෙන් පොරොන්දුවක් : බුද්ධි අංශ වාර්තාවල මොකුත් නැතිලු !  

Share post:

2019 අප්‍රේල් 21 පාස්කු ඉරිදා ත්‍රස්ත ප්‍රහාරයෙන් පසුව තහනම් කළ ඉස්ලාමීය සංවිධාන 11න් 5ක තහනම කොන්දේසි සහිතව හෙට (17) සිට ඉවත් කරන බව ආරක්ෂක අමාත්‍යංශය මගින් එම සංවිධාන නියෝජිතයන්ට දැනුම් දී තිබේ.

එම සංවිධාන නියෝජිතයන් සහ ආරක්ෂක අමාත්‍යංශය අතර පෙරේදා (14) පැවති සාකච්ඡාවකදී අවධාරණය කර ඇත්තේ පැය 48ක් තුළ මෙම තහනම ඉවත් කිරීමට අදාළ ගැසට් නිවේදනය නිකුත් කරන බවයි. එසේ නොවුණහොත් සඳුදා වන විට ඊට අදාළ කටයුතු සිදු වනු ඇතැයි ද එහිදී දැනුම් දී තිබේ.

මේ සම්බන්ධයෙන් ආරක්ෂක අමාත්‍යංශය පාර්ශ්වයෙන් අප කළ සොයාබැලීමකදී දැනගැනීමට ලැබුණේ සඳුදා දිනයේ ඊට අදාළ ගැසට් නිවේදනය ප්‍රකාශයට පත්කෙරෙනු ඇති බවයි.

හේතු ?

මෙම තහනමට එරෙහිව ශ්‍රේෂ්ඨාධිකරණයේ මූලික අයිතිවාසිකම් නඩු කිහිපයක් ද පවරා තිබේ. එසේ ම මෙම සංවිධාන හරහා මැද පෙරදිග රාජ්‍යයන් මගින් මෙරට ජනතාවට සහන සැලසීම සඳහා ලබාදුන් විශාල අරමුදල් ද අදාළ තහනම නිසා නතර වී ඇත.

විශේෂඥ කමිටු

මේ අතර අද (16) සන්ඩේ ටයිම්ස් පුවත්පත වාර්තා කර ඇත්තේ වසරකට වැඩි කාලයක් පැවති විමර්ශනයකින් පසු, විමර්ශන සහ බුද්ධි අංශවල විශේෂඥයන්ගෙන් සැදුම්ලත් කමිටුවක්  සහ මෙම කණ්ඩායම්වල නියෝජිතයන් – රජයේ බලධාරීන් අතර පැවති සාකච්ඡාවලින් පසුව ලබාදුන් නිර්දේශවලට අනුව මෙම සංවිධාන පහේ තහනම ඉවත් කරන බවයි.

සංවිධාන මොනවාද ?

ඒ අනුව පහත සඳහන් ඉස්ලාමීය සංවිධානවල තහනම ඉවත් කිරීමට නියමිත ය.

01. ජමියතුල් අන්සාරි සුන්නතුල් මොහොමදියා (JASM)

02. ශ්‍රී ලංකා තව්හිද් ජමාත් (SLTJ)

03. සමස්ත ලංකා තව්හිද් ජමාත් (ACTJ)

04. ලංකා තව්හිද් ජමාත් (CTJ)

05. එක්සත් තව්හිද් ජමාත් (UTJ)

ත්‍රස්තවාදය වැලැක්වීමේ පනත යටතේ මෙම සංවිධාන පහ සහ තවත් සංවිධාන හයක් තහනම් කරමින් හිටපු ජනාධිපති ගෝඨාභය රාජපක්ෂ විසින් 2021 අප්‍රේල් මාසයේදී ගැසට් නිවේදනයක් නිකුත් කළේය.

ජනපති සමග සාකච්ඡාව

මෙම සංවිධාන තහනම සම්බන්ධයෙන් ජනාධිපති රනිල් වික්‍රමසිංහ සහ ඉස්ලාම් ආගමික ප්‍රධානීන් අතර සාකච්ඡාවක් ද පැවැත්වුණු අතර, එහිදී ආගමික ප්‍රධානීන් ජනාධිපතිවරයාගෙන් ඉල්ලා තිබුණේ මෙම සංවිධානවලට එරෙහිව චෝදනා ඇත්නම්, කඩිනමින් ඊට එරෙහිව පියවර ගන්නා ලෙසත්, එසේ චෝදනා නොමැති නම් මෙම තහනම් ඉවත් කරන ලෙසත් ය. අදාළ සංවිධාන මගින් මෙරට ජනතාවට ලබාදුන් සහන සහ ඒවා සිදු කළ ආකාරය, ඒවායේ විනිවිදභාවය සම්බන්ධයෙන් ද මෙම සාකච්ඡාවේදී අවධානය යොමුකර ඇත.

චෝදනා ?

ඉන්පසු ජනාධිපතිවරයා සහ ආරක්ෂක ප්‍රධානීන් අතර මේ සම්බන්ධයෙන් සාකච්ඡාවක් පවත්වා ඇති අතර, එහිදී අනාවරණය වී ඇතැයි පැවසෙන්නේ මෙම තහනම ඉවත් කරනු ලබන සංවිධානවලට එරෙහිව කිසිදු චෝදනාවක් තහවුරු වී නැති බවයි. බුද්ධි අංශ මගින් විවිධ ක්ෂේත්‍ර ඔස්සේ මෙම සංවිධාන පිළිබඳව විමර්ශන පැවැත්වූ බව ද එහිදී සඳහන් වී ඇත.

Related articles

රාවයට, වික්ටර් අයිවන්ට සහ හිටපු කතෘ විමලනාත්ට නඩු

රාවය(ගරන්ටි)පුද්. සමාගම මගින් ප්‍රකාශයට පත් කළ රාවය පුවත්පත මුද්‍රණය කිරීම නවත්වා එහි දේපළ විකිණීමට යත්න දැරීමට එරෙහිව, රාවයේ...

ජනාධිපතිවරණයට සහ මහ මැතිවරණයට අවශ්‍ය රුපියල් බිලියන 20යි – රුපියල් බිලියන 22,000ක් අතුරුදන් කර ඇතැයි විගණකාධිපති හෙළිකරයි !

ලංකාව නම් කුමක්ද යනුවෙන් ප්‍රශ්නයක් නැගූ විට ඊට මෙවැනි පිළිතුරක් දිය හැකිය. කොළඹ රිජ්වේ ආර්යා ළමා රෝහලට ඇතුළත් කෙරෙන...

මනෝජ් ප්‍රභාකර්ට ඉන්දියාව වෙනුවෙන් ක්‍රීඩා කිරීම සදහටම අහිමිකළ තරගය

සනත් ජයසූරිය විසින් මනෝජ් ප්‍රභාකර් ගේ ක්‍රීඩා දිවිය අවසන් කළේ 1996 වසරේ අද වැනි දිනකයි.1996 ලෝක කුසලානයේ ඉන්දියාව...

ප්‍රශ්නය – පොලිස්පති පත්කරද්දී ආණ්ඩුක්‍රම ව්‍යවස්ථා සභාවේ හැසිරීම හරි ද? : පිළිතුර – නෛතික ගැටළුවක් තියෙනවා. පුරවැසියන්ට අධිකරණයට යන්න පුළුවන් !

පොලිස්පති ධුරය සඳහා දේශබන්දු තෙන්නකෝන් මහතා පත්කිරීමට ජනාධිපති රනිල් වික්‍රමසිංහ විසින් කළ නිර්දේශය ආණ්ඩුක්‍රම ව්‍යවස්ථා සභාව විසින් අනුමත...