කොන්ග්රස් නායක රාහුල් ගාන්ධිගේ පාර්ලිමේන්තු මන්ත්රීධූරය අත්හිටුවීම පිළිබඳ තමන් සැලකිල්ලෙන් පසුවන බව ජර්මානු විදේශ අමාත්යාංශය අද (30) බ්රහස්පතින්දා ප්රකාශ කළේය.
අමාත්යංශ මාධ්ය ප්රකාශකවරයා ජර්මානු රජය සතු ජාත්යන්තර විකාශන ආයතනයක් වන Deutsche Welle (DW) හි විකාශය වූ මාධ්ය හමුවකට එක්වෙමින් පවසා සිටියේ ” අපගේ දැනුමට අනුව රාහුල් ගාන්ධිට තමන් වැරදිකරු වූ තීන්දුවට එරෙහිව අභියාචනයක් ඉදිරිපත් කිරීමට අවස්ථාව ඇති බවයි.
එවැනි වටපිටාක මෙලෙස පාර්ලිමේන්තු මන්ත්රීධූරය අහෝසි කිරීම පිළිබඳ සිය රජය විශේෂ අවධානයක් යොමු කර ඇති බවද ඔහු එහිදී පවසා තිබේ.
ජර්මනිය “අධිකරණ ස්වාධීනත්වය සහ මූලික ප්රජාතන්ත්රවාදී මූලධර්ම අදාල නඩුවේදී අනුගමනය කරනු ඇතැයි අපේක්ෂා කරන බවද හිදී වැඩිදුරටත් සඳහන් කර ඇත.
එමෙන්ම පසුගිය සතියේ එක්සත් ජනපද රාජ්ය දෙපාර්තමේන්තුවේ ප්රකාශකවරයෙකු පැවසුවේ එක්සත් ජනපදය ඉන්දීය අධිකරණයේ රාහුල් ගාන්ධිගේ නඩුව දෙස බලා සිටින බවයි.
“නීතියේ ආධිපත්යයට සහ අධිකරණයේ ස්වාධීනත්වයට ගරු කිරීම ප්රජාතන්ත්රවාදයේ මූලික අඩිතාලම වන බවත් ගාන්ධි මහතාගේ (රාහුල් ගාන්ධි) ඉන්දීය අධිකරණයේ නඩුව දෙස බලා සිටිමු,” ඔහු වොෂින්ටනයේ පැවති මාධ්ය හමුවක් අමතමින් පැවසීය.
පාර්ලිමේන්තු මන්ත්රීවරයකු ලෙස රාහුල් ගාන්ධි නුසුදුස්සකු වීම පිළිබඳ ප්රශ්නයකට පිළිතුරු දෙමින් පටෙල් කියා සිටියේ එක්සත් ජනපදය අදහස් ප්රකාශ කිරීමේ නිදහස ඇතුළු ප්රජාතන්ත්රවාදී වටිනාකම් සඳහා කැපවෙන බවයි.
2019 වසරේදී කර්නාටක ප්රාන්තයේ මැතිවරණ රැලියකදී “මෝදි” වාසගම අලලා සිදුකරන ලද අපහාසාත්මක ප්රකාශයක් හේතුවෙන් සූරත් හි දිස්ත්රික් අධිකරණයක් රාහුල් ගාන්ධි වරදකරු කරමින් වසර දෙකක සිර දඬුවමක් නියම කරන ලදී.
වසර දෙකක සිර දඬුවම දින 30කට අත්හිටවූ අතර එම කාලය තුලදී රාහුල් ගාන්ධිට ඊට එරෙහිව අභියාචනයක් ඉදිරිපත් කිරීමට හැකියාව ඇත.
රාහුල් ගාන්ධිට එරෙහිව සාපරාධී අපහාස නඩුව පවරා ඇත්තේ සූරත් බටහිර ප්රදේශයේ භාරතීය ජනතා පක්ෂ මන්ත්රී පුර්ණේෂ් මෝදි විසිනි.
මෙම අධිකරණ තීන්දුවත් සමග රාහුල් ගාන්ධි ලෝක් සභාවට නුසුදුස්සකු බවට ආණ්ඩු පක්ෂය තීරණය කර ඇති අතර එයත් සමග ඔහුගේ මන්ත්රීධූරය අහෝසි කිරීමට කටයුතු කෙරිණි.
එපමණක් නොව රාහුල් ගාන්ධිට මන්ත්රී නිල නිවසෙන් ඉවත් වන ලෙසත් දැනුම් දී ඇතැයි එරට මාධ්ය වාර්තා කළේය.
ලෝක් සභා මහලේකම්වරයා පසුගියදා රාහුල් ගාන්ධිට ලිපියක් යොමු කරමින් ඔහු දැනට පදිංචිව සිටින මන්ත්රී නිවසින් ඉවත් වීමට මාසයක කාලයක් ලබා දී ඇති අතර, අප්රේල් මස 22 වැනිදා වන විට ඔහු එම නිවස නැවත භාර දිය යුතුව ඇතැයි එරට මාධ්ය වාර්තා කර තිබිණි.
සබැඳි පුවත්