පාස්කු ඉරිදා ත්රස්ත ප්රහාරයට අදාළ නඩුවක ප්රධාන සාක්ෂිකරුවකුගේ ප්රකාශයක් අපරාධ පරීක්ෂණ දෙපාර්තමේන්තුව මගින් බලහත්කාරයෙන් ලබාගත් එකක් බවට සැක මතු වී තිබේ.
මේ හේතුව නිසා නීතිපති දෙපාර්තමේන්තුව මගින් ඉදිරිපත් කරන ලද අදාළ ප්රකාශය පිළිනොගැනීමට පුත්තලම ත්රිපුද්ගල මහාධිකරණ විනිසුරු මඩුල්ල තීරණය කර ඇත.
පුත්තලම, වනාතවිල්ලුව, ලැක්ටෝස් වත්ත ප්රදේශයෙන් හමුවූ පුපුරණ ද්රව්ය පිළිබඳ නඩුවේ ප්රධාන සැකකරුවකු වන්නේ ආදම් ලෙබ්බේ ෂරීෆ් හෙවත් ගෆූර් මාමා නමැත්තා ය. ත්රස්තවාදය වැළැක්වීමේ පනතේ 16 වගන්තිය යටතේ අපරාධ පරීක්ෂණ දෙපාර්තමේන්තුවේ පොලිස් අධිකාරිවරයකු ඉදිරියේ ඔහුගෙන් ප්රකාශයක් ලබාගෙන ඇත. කෙසේ වෙතත් එය බලහත්කාරයෙන් ලබාගත්තාද යන සැකය මත එම ප්රකාශය ප්රතික්ෂේප කිරීමට මහාධිකරණය තීන්දු කර තිබේ.