ඉන්දීය ව්යාපාරිකයෙකු වන ගෞතම් අදානි සහ ඉන්දීය අග්රමාත්ය නරේන්ද්ර මෝදි අතර වන සබඳතාවය කුමක්දැයි රටට හෙළිකළ යුතුයැයි ඉන්දීය කොංග්රසයේ හිටපු සභාපති රාහුල් ගාන්ධි ඉන්දීය පාර්ලිමේන්තුව අමතමින් කියා සිටියේය.
පාර්ලිමේන්තුව අමතමින් වැඩිදුරටත් ඔහු පවසා සිටියේ පසුගිය ඉන්දීය අග්රමාත්යවරයාගේ සහයෙන් ගෞතම් අදානි ව්යාපාර රැසකට අවතීර්ණය වී ධනපතියෙකු බවට පත්ව ඇති බවය.
2014 සිට 2022 දක්වා වසර වසර 8ක කාලය තුළ අදානිගේ වත්කම ඩොලර් බිලියන 8 සිට ඩොලර් බිලියන 140ක් දක්වා ඉහළ ගිය බවත් ඒ කෙසේදැයි ඔහු එහිදී ප්රශ්න කර සිටියේය.
වැඩිදුරටත් ප්රශ්න කරමින් රාහුල් ගාන්ධි විමසා සිටියේ අග්රාමාත්ය මෝදි සංචාරය කළ පසු එම රටවල් මගින් කොපමණ කොන්ත්රාත්තු ප්රමාණයක් අදානිට ලබාදී ඇද්ද යන්නයි.
එමෙන්ම පසුගිය වසර 20 කාලයක් ඇතුළත භාරතීය ජනතා පක්ෂයට අදානි කොපමණ මුදලක් ලබාදී තිබෙනවාද යන්නත් ඔහු පාර්ලිමේන්තුවේ විමසා සිටියේය.
මේ අතර ඇමෙරිකා එක්සත් ජනපද පර්යේෂණ ආයතනයක් වන Hindenburg විසින් ජනවාරි 24 දින නිකුත් කරන ලද වාර්තාවක ප්රතිඵලයක් ලෙස අදානි සමූහයේ ආදායම් පහත වැටෙන්නට ඇති බවට බ්ලූම්බර්ග් වෙබ් අඩවිය වාර්තා කරයි.
අදානි සමූහයේ මූල්ය වංචා සහ එම සමූහයේ ණයබරතාව පිළිබඳ අනාවරණයත් සමගින් ම සිදු වූ වෙළෙඳපොළ කොටස් වටිනාකම් කඩාවැටීම මේ සඳහා හේතු වී තිබේ.
Bloomberg Billionaires Index හි දත්තවලට අනුව, ගෞතම් අදානි පිළිබඳ අදාළ වාර්තාව ප්රකාශයට පත්කිරීමෙන් පසු ඔහුගේ ධනය ඩොලර් බිලියන 34.6කින් පහත වැටී ඇත.
සම්පූර්ණ කතාව මෙතැනින්.. ලංකාව මෙහෙයවන මෝදිගේ නියෝජිතයා : අදානිගේ වත්කම් ඩොලර් බිලියන 34කින් පහතට !