කොංග්රස් නායක රාහුල් ගාන්ධිට වසර දෙකක සිර දඬුවමක් නියම කිරීමට ගුජරාට් ප්රාන්තයේ සූරත්හි අධිකරණයක් අද (23) නියෝග කර තිබේ.
ඉන්දීය මාධ්ය වාර්තා කරන පරිදි විපක්ෂ නායකවරයා විවිධ මූල්ය චෝදනා ලත් ව්යාපාරිකයන් වන නිරාව් මෝදි සහ ලලිත් මෝදි යන නම් ප්රකාශ කරමින් “සියලු සොරුන්ට මෝදි යන පොදු වාසගම ඇත්තේ කෙසේද?” යන්න පවසා ඇත.
ඔහු මෙම ප්රකාශය සිදු කර ඇත්තේ 2019 වර්ෂයේ දී මැතිවරණ රැලියක දී අගමැති නරේන්ද්ර සිං මෝදී ඉලක්ක කරමින් බව එම මාධ්ය වාර්තා පෙන්වාදෙයි.
කෙසේවෙතත් විපක්ෂ නායකයාගේ එම ප්රකාශය හේතුවෙන් සමස්ත මෝදි ප්රජාවම අපකීර්තියට පත් කළ බවට භාරතීය ජනතා පක්ෂ මන්ත්රී සහ හිටපු ගුජරාට් අමාත්ය පූර්ණේෂ් මෝදි විසින් නඩු ගොනු කර තිබිණි.
සිදුකළ නඩු විභාගයෙන් අනතුරුව එම ප්රකාශයට වැරදිකරු කරමින් රාහුල් ගාන්ධිට අදාල සිර දඬුවම නියමකොට ඇත.
කෙසේවෙතත් ඔහුගේ සිර දඬුවම දින 30 කට අත්හිටුවන ලද අතර තීන්දුවට එරෙහිව අභියාචනයක් ඉදිරිපත් කිරීමට අවසර ලබා දීමට අධිකරණය කටයුතු කර ඇත.
රාහුල් ගාන්ධි අද අධිකරණයේ පෙනී සිටීම සඳහා ඊයේ (22) සූරත් වෙත පැමිණි අතර කොන්ග්රසයේ ගුජරාට්හි නායකයින් සහ සාමාජිකයින් ඔහුව උත්සවාකරයෙන් පිළිගනු ලැබීය.
ගාන්ධිට සහයෝගය දැක්වීමක් ලෙස අද ගුජරාට් හි විවිධ ස්ථානවලට පක්ෂයේ ආධාරකරුවන් සහ සාමාජිකයින් පැමිණ සිටි අතර, ‘‘Sher-e-Hindustan’ (ඉන්දියාවේ සිංහයා) ලෙස සඳහන් පුවරුද ප්රදර්ශනය කළේය.
“සත්යය සෑම විටම පරීක්ෂවට ලක් වෙනු ඇත. නමුත් දිනක සත්යය පමණක් ජය ගනී. ජ්යෙෂ්ඨ කොංග්රස් නායක සහ පාර්ලිමේන්තු මන්ත්රී අර්ජුන් මොද්වාඩියා අද ජනතාව හමුවේ පැවසීය.