මිනිසුන් ගැන සහතික ලියන්න අමාරු කාලෙක මිනිසකු ගැන වචන කිහිපයක් ලියන්න ලැබීමත් භාග්යයක්.. අද දවසේ මිනිසා කියන්නෙම පරිණාම මාර්ගයේ රිවස් එකට යන මානව රූපකයක්.. එහෙව් කාලයක තමා වෙත පවරා ගන්නා ලද පරම සමාජ වගකීමක් උරින් ගෙන, සමාජය දෙසට ඇස් කන් යොමා ගෙන, සමාජය විනිවිද දකිමින් ඉන් නොනැවතී සමාජ සමාජිකයන් ගේ හිස් මොළවලට බුද්ධිය දියකර වත් කරන මිනිසකු දක්නට ලැබීම දුලබ දර්ශනයක්..
එවන් දුලබ මිනිසකු ලෙසින් නම් කිරීමට මා කැමති සීමිත පිරිස අතරේ ඉදිරි පෙළ සිටින චූලා – චූලානන්ද සමරනායක හඳුන්වන්න මං කැමතියි.. චූලා අපේ යුගයේ බරපතළ කැරලිකරුවෙක්.. අප්රමාණ මිනිසෙක්.. අති දක්ෂ පරිවර්තකයෙක්.. කවියෙක්.. කලා, දේශපාලන සහ සමාජ විචාරකයෙක්. මිතුරන්ට හොඳම මිතුරෙක්.. සතුරන්ගේ ඉහ මොළ රත්කරන පරම සතුරෙක්… අවිද්යාවේ වලිගයෙන් අල්ලා කුම්භස්තලය පොළොවේ ගහන යෝධයෙක්… කොටින්ම කිවහොත් චූලා කියන්නෙ සදාකාලික විප්ලවකාරයෙක්…
එහෙව් චූලගෙ ජීවිතේ බරපතළ සමාජ මොහොතක් හෙට හවස මහවැලි කේන්ද්රයේ දි උදා වෙනවා.. එනිසා අප එහි යා යුතුයි… ඔහුගේ සමාජ දෘෂ්ටියේ විචිත්රත්වය මොනවට දක්වන පොත් හයක් එහි දී සමාජයට මුදා හරිනවා..
කවි, යොවුන් නවකතා, පරිවර්තන, ළමා ඈ සාහිත්ය ශානර නියෝජනය කරන මේ පොත් වැස්සට නොතෙමී අපට බැහැ ජීවිතයේ පිනි සිසිල ස්පර්ෂ කරන්න..
ඉතින් අපි හෙට – මාර්තු 31 සවස 3.00 ට මහවැලි කේන්ද්රයට යමු.
මේ අප්රමාණ මානව ප්රේමියාගේ සාහිත්ය ජීවනයට සුබ පතමින් එහි තෙත වින්දනය කරමු..