ලාංකීය සිනමාවේ පෞරුෂත්ව නළුවා

Share post:

රඟපෑම නොහොත් රංගනය යනු කිසියම් නළුවෙකු විසින් ‘කථාන්දරයක්’ කීමට යම් චරිතයකට අනුගත වීමෙන් කරනු ලබන ක්‍රියාකාරකමකි. ෂේක්ස්පියර් ‘ජීවිතය රඟමඩලකි, අප සැවොම එහි රඟන්නෝ වෙති’ යැයි පැවසුයේ සෑම මිනිසෙකුගේම ජීවිතය ‘කතාන්දරයක්’ බවත්, එම පුද්ගලයා විසින් කරනු ලබන්නේ තම කතාව රඟ දක්වා පෙන්වීම බවත් නිසා විය යුතුය. එම නිසා අපි හැමෝම අඩු වැඩි වශයෙන් නළු නිළියෝ වෙමු. නළුවන් (හෝ නිළියන්) යන විශේෂිත පදයෙන් හඳුන්වලු ලබන වෘත්තිකයන් පිරිසක් අප අතර සිටිති. මේ අය නරඹන්නන් අතර ජනප්‍රිය ය. එම නිසාම ඔවුන් සමහරක් ‘තාරුකා’ බවට උත්කර්ෂයට නංවනු දකින්නට ලැබේ. රවින්ද්‍ර රන්දෙණිය ද අපේ සිනමාවේ එවන් තාරුකා ගුණයෙන් යුතු රංගන ශිල්පියකි.
රංගන ශිල්පීන් ප්‍රධාන වශයෙන් වර්ග හතරකට බෙදිය හැක. පෞරුෂත්ව නළුවන් (Personality Actors); තමන්ගේම පෞරුෂයකින් අදාළ චරිතයට පණ පොවන අය, නිර්මාණාත්මක නළුවන් (Creative Actors) ; තමන්ගේ පෞරුෂයට පටහැනිව යමින් චරිතය පනගන්වන අය, චරිතාංග නළුවන්(Chameleon Actors); විවිධ චරිත නිරූපණ ( සුළු හෝ ප්‍රධාන) හැකියාව ඇති සහ වෘත්තීය නොවන නළුවන් (Nonprofessional Actors ); කතාවට තාත්විකත්වය එක්කරන අය යනුවෙනි.

මට අනුව රවින්ද්‍ර රන්දෙණිය අයත් වන්නේ Personality Actors ගණයටය. රවින්ද්‍ර රන්දෙණිය ආරෝහ පරිනාහ දේහයෙන් යුතු කඩවසම් පෙනුමැති අයෙකි.

එසේ වුවද මා දන්නා තරමින් අපේ සිනමාවේ පැරණි නළු නිළියන් මෙන් නොව ඔහු රංගනය හදාරා ඇති අයෙකි. තමන්ගේ ජීවන අත්දැකීම් වලින් හටගන්නා අව්‍යාජ හැඟීම් (Authentic Emotions) තුළින් නිරූපණය කරන චරිතය පණ ගන්වන, Konstantin Stanislavski ගේ රංග විධික්‍රමය (Method Acting) තම රංගන ක්‍රමවේදය ලෙස භාවිතා කරන රංගන ශිල්පියකි.

රංගන ශිල්පියකු ලෙස ඔහු සතු මේ ගුණාංග මා හොඳින් දන්නේ වුවද සිනමාකරුවකු ලෙස මගේ නිර්මාණයකට ඔහුව යොදා ගැනීමට හැකිවූයේ එක් වතාවක් පමණි. ඒ මගේ ජීවිතයට පුද්ගලිකවද, සිනමා ජීවිතයට තීරණාත්මකවද බලපෑමක් කළ අක්ෂරය සිනමා පටයේ විශ්‍රාම ගිය මහාධිකරණ විනිසුරුවරයාගේ භූමිකාව නිරූපණය කිරීම සඳහාය. ඉතා සංකීර්ණ මනෝභාවයන්ගෙන් යුතු එම චරිතය නිරූපණය කිරීම සඳහා අපේ සිනමාවේ රවින්ද්‍ර රන්දෙණිය හැර වෙන කිසිවෙකු මගේ සිහියට නොනැගෙයි.

එම සිනමා පටයට අත් වූ ඉරණම ඉතා අවාසනාවන්ත එකකි. එම නිසා එම බැරෑරුම් රංගනය අපේ සිනමා රසිකයින්ට පුළුල් සිනමා තිරයේ දැකබලා ගැනීමට නොහැකි විය. එවැනි අවාසනාවන්ත සිදුවීම් වලින් ගහන අපේ සිනමාව අද මේ තත්ත්වයට හෝ පැවතීම පිළිබඳව සිනමාවට සම්බන්ධ පුද්ගලයින් ලෙස අපි සතුටු වෙමු.

සිය රංග දිවියේ 50 වන වසර සමරන මේ මොහොතේ රවින්ද්‍ර රන්දෙණිය රංගධරයාට සුබ පතමි.

අසෝක හඳගම

Related articles

“දිනක මේ දත් නැති මිනිසා ධෛර්යයේ ස්මාරකයක් වනු ඇත”

1980 එක්තරා දිනක රුපවාහිනිය ඔස්සේ විකාශනය වුනු රුමේනියාවේ ටෙනිස් තරගයක ජයග්‍රාහිකාවට ලබා දුන් ඩොලර් 40,000ක ත්‍යාගයක් තම වසර...

2029 බක් මාසෙ 13 වැනිදා අමුත්තෙක් පෘථිවියට ප්‍රාතීර්භූත වෙන්න නියමිතයි

තව අවුරුදු 5කින් සිංහල අලුත් අවුරුද්දට කදිම නැකතක් එළඹෙනවා. හරියටම 2029 බක් මාසෙ 13 වැනිදා සිකුරාදා දවසක්. එදාට...

පැබ්ලෝ පිකාසෝ සහ ජෝර්ජස් බ්‍රාක්ගේ හෘදයංගම මිත්‍රත්වය

20 වැනි ශතවර්ෂයේ චිත්‍ර ශිල්පීන් අතර ඉතා හොඳින් ලේඛනගත වී ඇති ගැඹුරු හෘදයංගම මිත්‍රත්වයක් පැවතුනේ පැබ්ලෝ පිකාසෝ සහ...

Victoria Golf Resort පිළිබඳ ග්‍රන්ථය 2024 මාර්ක් බොස්ටොක් කුසලාන ශූරතා සම්මාන උළෙලේදී එළිදකී !

2024 මාර්ක් බොස්ටොක් අනුස්මරණ කුසලානය වෙනුවෙන් පැවති සම්මාන උළෙලේදී ටෝනි විටම් (Tony Whitham) මහතා විසින් රචිත ‘Victoria Golf...