පාකිස්තානයේ හිටපු අගමැති ඉම්රාන් ඛාන්හට, රාජ්‍ය රහස් හෙළි කිරීමේ නඩු විභාගය සඳහා එළැඹෙන නොවැම්බර් 28 වැනිදා පෙනී සිටින ලෙස ඉස්ලාමාබාද් අධිකරණය නියෝග කර ඇතැයි විදෙස් මාධ්‍ය වාර්තා කළේය.
ඔහු මේ වනවිට බන්ධනාගාරගතව සිටින අතර සිරගත කිරීමෙන් පසුව ප්‍රසිද්ධියේ පෙනී සිටින පළමු අවස්ථාව මෙයද වෙයි.
රාජ්‍ය රහස් පනත යටතේ ඉස්ලාමාබාද් නුවර පිහිටුවන ලද විශේෂ අධිකරණය මගින් ඊයේ නොවැම්බර් (23) වැනිදා එම නියෝගය නිකුත් කර ඇති අතර, ඉම්රාන් ඛන් සමඟ සිරගත වී සිටින හිටපු විදේශ ඇමති ෂා මහමූද් කුරේෂී ද එදින අධිකරණයට ඉදිරිපත් කරන ලෙස අධිකරණය නියෝග කර ඇත.
ඉම්රාන් ඛාන් අගමැතිවරයා ලෙස කටයුතු කළ අවදියේදී විදේශ රාජ්‍ය නායකයන්ගෙන් සහ තානාපතිවරුන්ගෙන් ලැබුණු ත්‍යාග භාණ්ඩාගාරයට ලබා දීම වෙනුවට නීති විරෝධී අයුරින් අලෙවි කිරීම සහ හිතවතුන් අතර බෙදා දීම හේතුවෙන් පවරන ලද නඩු විභාගයකින් වරදකරු වීමෙන් පසුව පසුගිය අගෝස්තු මාසයේදී ඔහුට වසර තුනක සිර දඬුවමක් නියම විය.
ඉන්පසු ඔහුගේ නීතිඥවරුන් ගොනු කළ අභියාචනය සලකා බැලූ ඉස්ලාමාබාද් මහාධිකරණය එම සිරදඬුවම අත්හිටුවීමට පසුගිය අගෝස්තු මස 29දා කටයුතු කළේය.
එහෙත් රාජ්‍ය නිල රහස් පනත යටතේ ඉම්රාන් ඛාන්ට සහ හිටපු විදේශ කටයුතු අමාත්‍යවරයාට එරෙහිව ඇති නඩුවේ විශේෂ නඩුව තවදුරටත් පැවැත්වෙන බැවින් ඉම්රාන් ඛාන් බන්ධනාගාරයේ රඳවා තබාගන්නා ලෙස අධිකරණය නියෝග කළේය.
සබැඳි පුවත්
- වහලුන් ලෙස ජීවත් වෙන්න එපා, ඔබේ අයිතිවාසිකම් වෙනුවෙන් පෙනී සිටින්න : අත්අඩංගුවට ගැනීමට පෙර ඉම්රාන් ඛාන් කියයි
- එක් නඩුවකින් නිදහසක් ලැබෙන විට තවත් නඩුවකින් ඉම්රාන් ඛාන් හිර කරයි !
- පකිස්තානයේ බෝම්බ ප්‍රහාරයක් : මැතිවරණය මෙම වසර අගදී
- පාකිස්තානය : මැයි 09 විරෝධතාකරුවන්ට යුද අධිකරණයෙන් දඬුවම් ?
- ඉම්රාන් හිතවාදීන් දඩයමක් : හමුදාව යොදවා ව්‍යාපාර මුද්‍රා තබයි !
- පාකිස්තාන් අගමැතිගේ නිවසට ප්‍රහාරයක් – චෝදනාව ඉම්රාන් ඛාන්ගේ පාර්ශවයට!
- වෙඩි තැබීමකින් ඉම්රාන් ඛාන්ට තුවාල – එක් අයෙක් මියයයි