ඊයේ(23) අපි අතිදක්ෂ ලෙස ප්‍රතිසංස්කරණය කරන ලද බඹරු ඇවිත් සිනමා කෘතිය නැරඹුවා. ස්තුතියි සිංගප්පූරු සිනමා සංරක්ෂණ කණ්ඩායමට. ඒ වගේ ම ආචාර්ය මලින්ද පතිරාජ පුතණුවන්ට . මා මිතුරාට. මාලක දේවප්‍රිය , ලක්ෂ්මන් මෙන්ඩිස් , ඩබ්. ජයසිරි ඇතුළු සංවිධායක සහෝදරයන්ට .
ඒ ජවසම්පන්න සිරිල් වික්‍රමගේ තරුණයා ඊයේ ඇවිත් හිටියා දශක 9ක් පසු කළ අපේ වීරයෙකු ලෙස. පති පතිනිය ..මාලිනී පතිරාජ තමයි තිරනාටකයෙන් හවුල් වුණේ . ඒ විස්මිත මිනිස් ගොනුවෙන් බොහෝ දෙනා සමුගෙන .
මිනිස් පැය 4700 ට වඩා වැය කොට රාමුවෙන් රාමුව පිරිපහදු කළ හැටි සිංගප්පූරු විද්වතා පැහැදිලි කළා . ඒ කතාවෙ තැවරී තිබුණේ ලංකාවේ චිත්‍රපට සංරක්ෂණය ගැන අප රැවටූ සියලු දෙනාට ගෑවිලාවත් නොතිබූ මහා ආදරයක්. මේ මහා සිනමා අධ්‍යක්ෂවරයා ගැන ගෞරවයක් . අපට ඒ සිතිවිලි පවා සිහින. ස්තුතියි මිලින්ද සහෝදරයා නැවත .
ඊයේ(23) උදේ රහස් කියන කඳු. හවස බඹරු ඇවිත් . ඔන්න දවස්. 1978 පති සර් ගැන පළ වූ දුලබ ලිපිය සහිත Cinema Papers කියන මැගසින් එක සර්ගෙන් මා කද තෑගි අතර තියෙනවා . මේ ඔක්කොම එකතු කරලා අපි ධර්මසේන පතිරාජ පදනම හදන්න ඕනෙ .
හිනිදුම සුනිල් සෙනෙවි
