පාකිස්තානයේ හිටපු අගමැති ඉම්රාන් ඛාන් ලබන 13දා දක්වා රක්ෂිත බන්ධනාගාරගත කිරීමට එරට අධිකරණයක් ඊයේ (30) නියෝග කළේය.
ඒ අනුව රාජ්‍ය රහස් ප්‍රසිද්ධියට පත්කිරීමේ චෝදනා මත ඔහුට තවදුරටත් රක්ෂිත බන්ධනාගාරගත ව සිටීමට සිදුවනු ඇත.
ඉම්රාන් ඛාන් අග්‍රාමාත්‍ය ධුරය දැරූ සමයේදී රාජ්‍ය තාන්ත්‍රිකයන්ගෙන් ලැබුණු ත්‍යාග විකුණා මුදල් ලබාගැනීම සම්බන්ධයෙන් එල්ල වූ චෝදනාවලට වරදකරු වීම හේතුවෙන් ඔහුට වසර තුනක සිර දඬුවමක් නියම විය.
ඉන්පසු ඔහුගේ නීතිඥවරුන් ගොනු කළ අභියාචනය සලකා බැලූ ඉස්ලාමාබාද් මහාධිකරණය එම සිරදඬුවම අත්හිටුවීමට පසුගිය 29දා කටයුතු කළේය.
එහෙත් රාජ්‍ය නිල රහස් පනත යටතේ ඉම්රාන් ඛාන්ට සහ හිටපු විදේශ කටයුතු අමාත්‍යවරයාට එරෙහිව ඇති නඩුවේ විශේෂ නඩු වාරයක් ඊයේ (30) පැවැත්වෙන බැවින් ඉම්රාන් ඛාන් බන්ධනාගාරයේ රඳවා තබාගන්නා ලෙස පෙර දැනුම්දීමක් කර තිබූ බව විදෙස් මාධ්‍ය වාර්තා කළේය.
ඒ අනුව ඊයේ (30) හිටපු අගමැතිවරයා ව අධිකරණයට ඉදිරිපත් කළ අවස්ථාවේදී සැප්තැම්බර් 13 වැනිදා දක්වා රඳවා තබාගැනීමට යළි නියෝග කර තිබිණි.
සබැඳි පුවත්
සබැඳි පුවත්
- පකිස්තානයේ බෝම්බ ප්‍රහාරයක් : මැතිවරණය මෙම වසර අගදී
- පාකිස්තානය : මැයි 09 විරෝධතාකරුවන්ට යුද අධිකරණයෙන් දඬුවම් ?
- ඉම්රාන් හිතවාදීන් දඩයමක් : හමුදාව යොදවා ව්‍යාපාර මුද්‍රා තබයි !
- පාකිස්තාන් අගමැතිගේ නිවසට ප්‍රහාරයක් – චෝදනාව ඉම්රාන් ඛාන්ගේ පාර්ශවයට!
- වෙඩි තැබීමකින් ඉම්රාන් ඛාන්ට තුවාල – එක් අයෙක් මියයයි