ශ්රී ලංකා ක්රිකට් ආයතනයේ පසුගිය නිලවරණය සඳහා ඉදිරිපත් වූ නාමයෝජනා සම්බන්ධව විරෝධතාව දක්වමින් ක්රීඩා අමාත්යාංශයට භාරදුන් අභියාචනා 14ක් අස්ථානගත වී ඇතැයි විශ්වාස කටයුතු ආරංචි මාර්ග සඳහන් කරයි.
එම ආරංචි මාර්ග පෙන්වාදෙන අන්දමට වසර 2021 -2023 කාලසීමාව සඳහා ක්රිකට් ආයතනයේ නිලධාරීන් තෝරා ගැනීමට අදාලව පැවැති නිලවරණයට ඉදිරිපත් වූ අපේක්ෂකයන් කිහිපදෙනකුට එරෙහිව ගොනු කළ විරෝධතා නිලවරණ කමිටුවෙන් ප්රතික්ෂේපවීමෙන් පසුව මේ අභියාචනා ක්රීඩා අමාත්යාංශයට ඉදිරිපත් කර ඇත.
වත්මන් ක්රීඩා අමාත්ය රොෂාන් රණසිංහ පසුගිය වසරේ සැප්තැම්බර් මාසයේදී විශ්රාමික ශ්රේෂ්ඨාධිකරණ විනිසුරු චන්ද්රා ජයතිලක ගේ සභාපතිත්වයෙන් යුතු සත් පුද්ගල අභියාචනා කමිටුව පත් කිරීමෙන් පසු එතෙක් විභාගයට ගැනීමට නොහැකිවූ සියලු අභියාචනා සොයා බැලීමට පියවර ගෙන තිබේ.
එහිදි ක්රිකට් ආයතනයේ පසුගිය නිලවරණය සම්බන්ධව ඉදිරිපත් වූ අභියාචනා 14ක් මෙලෙස අස්ථාන ගත වී ඇති බව අනාවරණය වී ඇත.
මේ අතර 2023 – 2025 කාලසීමාව සඳහා නව නිලධාරී මණ්ඩලයක් පත් කරගැනීමේ ශ්රී ලංකා ක්රිකට් නිලවරණය මැයි මස 20 වනදා පැවැත්වීමට නියමිතය.
ශ්රී ලංකා ක්රිකට් ආයතනය නිවේදනයක් නිකුත් කරමින් සඳහන් කළේ, ශ්රී ලංකා ක්රිකට් නිලවරණය සඳහා ත්රිපුද්ගල නිලවරණ කමිටුව පසුගිය (27) නාමයෝජනා භාරගත් බවය.
විශ්රාමලත් අභියාචනාධිකරණ විනිසුරු මාලනී ගුණරත්න, විශ්රාමලත් මහාධිකරණ විනිසුරු ශිරෝමි පෙරේරා, ශ්රී ලංකා පරිපාලන සේවයේ විශ්රාමික ජ්යෙෂ්ඨ රාජ්ය නිලධාරියෙකු වන සුනිල් සිරිසේන මෙම ත්රිපුද්ගල නිලවරණ කමිටුවට ඇතුළත්ය.
සබැඳි පුවත්
- නීතිපති නිර්දේශ ඇවිත් : ලෝක කුසලාන සංචාරයේ මුදල් අවභාවිතය ගැන වෝහාරික විගණනයක් !
- ක්රිකට් විගණන වාර්තා එනතෙක් ඇමති සීරුවෙන් : ක්රිකට් ආයතනය අර්බුදයක!
- ක්රිකට් තේරීම් කමිටු නාමයෝජනා ප්රතික්ෂේපයි : යළි කැඳවන්න අවසර ඉල්ලයි..!
- 20 – 20 මූල්ය අවභාවිතා වාර්තාව නීතිපතිගෙන් ක්රීඩා ඇමතිට : අතිරේක සොලිසිටර් ජනරාල් අභියාචනාධිකරණයට දැනුම් දෙයි !
- ශ්රී ලංකා ක්රිකට් ආයතනය විසුරුවා හැරීමට කටයුතු කරයි ද?
- ක්රිකට් කමිටු වාර්තාව එළියට – බෝන් අගේන් ක්රිකට්වලින් ඈත් කරන්න – නිර්දේශ ගණනාවක්!
- ක්රීඩා වැරදි සෙවීමේ විශේෂ ඒකකය අක්රීය කරයි : වගකීම තියෙන්නෙ ඇමතිට – අමාත්යංශ ලේකම්