අමුතු තනතීරු

Share post:

ලෝක කුසලානයට ලබා දී තිබෙන තනතීරු කියවා ගැනීමට අපහසු බවට චරිත් අසලංක කියූ කතාව ඇත්ත.
ඇමෙරිකාවේ අලුතෙන් සාදා තිබෙන මේ තනතීරු, ලොව සෙසු ක්‍රිකට් තනතීරු වලින් වෙනස්.
ලොව වෙනත් ඕනෑම රටක තනතීරු ඒකාකාරියි.
එක්කො ඒවා පැතලියි. පන්දුව පිත්තටම එනවා. ලකුණු ගැනීම පහසුයි.
ඇතැම් තනතීරු වල තෘණ ස්වභාවය වැඩියි. එවිට ඒවායේ වැඩි දෝලනයක් සහ ඉපිලීමක් තිබෙනවා.
තවත් තනතීරු වල ඉරි තැලීම් තිබෙනවා. ඒවා දඟ පන්දු යවන්නන්ට උචිතයි.
ඇතැම් විටෙක ඒ කඩතොලු පින්න සමග යළිත් එක් වී පිතිකරුවන්ට උචිත තත්ත්ව නිර්මාණය කළ හැකියි.
ඒ කුමන ආකාරයේ තනතීරු වූවත්, ඒවායේ හැසිරීම පිළිබඳව නිශ්චිත අදහසක් තරගයකට පෙර සිටම ක්‍රීඩකයන්ට තිබෙනවා.
නමුත් ලෝක කුසලානය ක්‍රීඩා කරන මේ තනතීරු වෙනස්.
මේ තනතීරු වල එක්වරම පන්දුව දඟ කැවීමට ගන්නවා.
එක්වරම පන්දුව දෝලනය වෙනවා. එක්වරම පන්දුව ඉපිලෙනවා.
මේ තනතීරු වල තත්ත්වයන් ක්ෂණයෙන් වෙනස් වෙනවා
මෑතක පැවැති තරග බැලුවොත් ලකුණු 80 – 110 සීමාවේ කඩුලු පහ, හයක් බිඳ වැටීම සුලභ දසුනක් වුණා.
මේ සමාන්‍ය ක්‍රිකට් තනතීරු වලට වඩා වෙනස් තත්ත්වයක්.
මෙවැනි තනතීරු ලෝක කුසලානයක් ක්‍රීඩා කිරීමට උචිත නොවන බවට කිසිඳු සැකයක් නැහැ.
ඒ අර්ථයෙන් බලනවිට මේ අසාර්ථක ලෝක කුසලානයක්.
ක්‍රිකට් ක්‍රීඩාව ලෝකයේ ප්‍රචාරය කළ යුතු වූවත්, ප්‍රධාන ICC තරගාවලියක මූලික ක්‍රීඩා තත්ත්වයන් හෝ නඩත්තු කළ නොහැකි නම් එය අසාර්ථකයි.
නමුත් එය කිසිසේත්ම ශ්‍රී ලංකා කණ්ඩායමේ ලැජ්ජා සහගත පරාජයන්ට නිදහසට කරුණක් ද නොවෙයි.
බංග්ලාදේශ තරගය වුනත් ශ්‍රී ලංකාව අතහැරියේ දසුන් ශානක යැවූ ෆුල්ටොස් පන්දුවකින්.
එය තනතීරුවේ පතිත කර යැව්වා නම් කුමක් හෝ වෙනසක් සිදුවීමට පවා ඉඩ තිබුණා.
තරගයක අවසන් භාගයේ මෙවැනි තනතීරුවක ලකුණු හතරක්, පහක් වුනත් පහසු ලකුණක් නොවෙයි.
ඊයේ පැවැති ඉන්දු – පාකිස්තාන තරගයේ දී එය පැහැදිලි වුණා.
ශ්‍රී ලංකා කණ්ඩායම විසින් ප්‍රදර්ශනය කළ දුර්වල ක්‍රීඩා විලාශයට කිසිඳු නිදහසට කරුණක් කිව නොහැකියි.
එය හුදෙක්ම ඔවුන්ගේ වැරදි තීරණ, වගකීම් විරහිතභාවය සහ කුසලතා හිඟකමේ පරාජයක්.
නමුත් අවම වශයෙන් නිවැරදි තනතීරු හෝ ලෝක කුසලානයට සපයා තිබුණා නම්, ලෝක කුසලානය මීට වඩා බොහෝ උද්වේගකර එකක් වීමට තිබුණා.

ඉරේෂාන් සිරිවර්ධන(fb)

        2024. 06. 10

Related articles

“දිනක මේ දත් නැති මිනිසා ධෛර්යයේ ස්මාරකයක් වනු ඇත”

1980 එක්තරා දිනක රුපවාහිනිය ඔස්සේ විකාශනය වුනු රුමේනියාවේ ටෙනිස් තරගයක ජයග්‍රාහිකාවට ලබා දුන් ඩොලර් 40,000ක ත්‍යාගයක් තම වසර...

2029 බක් මාසෙ 13 වැනිදා අමුත්තෙක් පෘථිවියට ප්‍රාතීර්භූත වෙන්න නියමිතයි

තව අවුරුදු 5කින් සිංහල අලුත් අවුරුද්දට කදිම නැකතක් එළඹෙනවා. හරියටම 2029 බක් මාසෙ 13 වැනිදා සිකුරාදා දවසක්. එදාට...

පැබ්ලෝ පිකාසෝ සහ ජෝර්ජස් බ්‍රාක්ගේ හෘදයංගම මිත්‍රත්වය

20 වැනි ශතවර්ෂයේ චිත්‍ර ශිල්පීන් අතර ඉතා හොඳින් ලේඛනගත වී ඇති ගැඹුරු හෘදයංගම මිත්‍රත්වයක් පැවතුනේ පැබ්ලෝ පිකාසෝ සහ...

Victoria Golf Resort පිළිබඳ ග්‍රන්ථය 2024 මාර්ක් බොස්ටොක් කුසලාන ශූරතා සම්මාන උළෙලේදී එළිදකී !

2024 මාර්ක් බොස්ටොක් අනුස්මරණ කුසලානය වෙනුවෙන් පැවති සම්මාන උළෙලේදී ටෝනි විටම් (Tony Whitham) මහතා විසින් රචිත ‘Victoria Golf...