නිශා රාඕගේ ජීවිත කතාව සැබෑ ගැහැණියකගේ ජීවන අරගලය, නොපසුබට උත්සාහය, විඳදරාගැනීම, ඉවසීම, වෙහෙස මහන්සි වී වැඩ කිරීම සහ අවංකකම පිළිබඳ කදිම නිදසුනකි. පාකිස්තානයේ පළමු සංක්‍රාන්ති ලිංගික නීතිඥයා වී ඇය පකිස්තාන ඉතිහාස පොත් අතරටද ලෝක ජනමාධ්‍ය අතරටද ගියාය. නිශා රාඕ, තම සිහින සැබෑ කර ගැනීම සඳහා වූ ගමන විස්තර කරන්නේ වෙනස් කොට සැලකීම, නින්දාව සහ සංවේදීතාවයෙන් පිරී තිබුනු ඒ කටුක ගිරිදුර්ගයේ ජීවිතය ඇය වෙතට විසි කළ සියල්ලටම ඉහලින් ඇයට නැගී සිටීමට ශක්තිය තිබූ බවය. ඇය නැගී සිටි බවය. ඇය තුනී වීදුරුවක් මත ප්‍රවේසම් සහගතව අඩි තැබු බවය. සහ එය නොබිදිනු බවය
30 හැවිරිදි ඇය පාසැලේ වසර 9 වන විට තමා සංක්‍රාන්ති ලිංගිකයෙක් බව තේරුම් ගත්තාය. ලාහෝර්හි ඇගේ මධ්‍යම පාන්තික පවුල මේ නිසා ඇයට දුන් තාඩන පීඩණ ඇයට ඉවසිය නොහැකි විය. ඇය තම පවුලේ වධ හිංසාවලින් හා සාමාජීය ශාරීරික හිංසනයන්ගෙන් බේරීම සඳහා පකිස්තානයේ කරච්චි වෙත පලා ගියාය.
එවිට නිශා රාඕට වයස අවුරුදු 18 කි. ඇගේ මධ්‍යම පාන්තික පවුලේ නිවසින් ඇය පලාගියේ තවත් සංක්‍රාන්ති ලිංගිකයන් දෙදෙනෙක් ද සමගය. ඔවුහු කරච්චි නුවරට පැමිණියේ අනන්‍යතාවයක් සහ නව ජීවිතයක් සෙවීම සඳහා ය. එහෙත් ජීවිතය ගැට ගසා ගැනීම සදහා නිශාට එහි සිටි වැඩිමහල් සංක්‍රාන්ති ලිංගිකයන් උපදෙස් දුන්නේ හිඟාකෑමට හෝ ලිංගික සේවිකාවක් වීමටය. ඇය සිගාකෑම තෝරාගත්තාය..
රාවෝ රථවාහන නවතන සඥා එලි අතර මෝටර් රථයෙන් මෝටර් රථයට ගොස් සිගමන් යැද්දාය. තවත් වසරක් දෙකක් යනවිට සදහටම මෙි අප්‍රසන්න ක්‍රියාව තමාට කළ නොහැකි බව තේරුම් ගනිමින් සිටි අතර කරච්චි පොලිසිය සංක්‍රාන්ති ලිංගිකයන්ට සලකන කෘෘර හා අසභ්‍ය විලාසය ඇය කම්පාවට පත් කරමින් තිබිනි. මෙසේ සිගමන් යදින තරුණ ඇයට එක් දිනක්, කරුණාවන්ත ගැහැණියක් ඇයට නීතිය ඉගෙනගන්නා ලෙසත් එවිට පොලිසිය ඇයට බියවනු ඇති බවත් පැවසුවාය. මෙම අදහස ඇගේ සිත්ගත් අතර ඉන් පසුව ඇය උදේ 8 සහ රාත්‍රි 7 අතර කාලය සිගමන් සදහා යොදා ගෙන රාත්‍රි 7 සිට නීතිය ඉගෙනගැනීම සදහා වෙන් කලාය. එය මෙය ලියන තරම් පහසු නැතිවාට සැක නැත. දැන් මේ සිගන්නියට අරමුණක් තිබිනි.
නිශා රාඕ ඉන්පසු තම ඉගෙනීම වෙනුවෙන් කරච්චි නුවරතුල පුරා වසර 10 ක් සිගමන් යැද්දාය. වසර ගණනාවක වෙහෙස මහන්සි වී වැඩ කිරීමෙන් පසු 2018 දී සින්ද් මුස්ලිම් නීති විද්‍යාලයෙන් නීති උපාධිය ලබා ගැනීමට රාඕ සමත් විය. ඇය 2020 වසර මුලදී නීති බලපත්‍රයක් ලබාගෙන කරච්චි නීතී Association සංගමයට බැඳුණි. 2000 වසරේ දී පමණක් ඇය ඇගේ නඩු 50 ක් ජයග්‍රහණයෙන් කෙලවර කර ඇත. තවද ඇය කරච්චි විශ්වවිද්‍යාලයෙන් ජාත්‍යන්තර සබඳතා පිළිබඳ උපාධියද තමාගේ නම ඉදිරියෙන් එකතුකර තිබිණි.
රොයිටර් පුවත් සේවය ඇය සොයා ආවේ එවිටය.
රොයිටර් පුවත් සේවයට අදහස් දක්වමින් රාඕ පැවසුවේ “පාකිස්තානයේ පළමු සංක්‍රාන්ති ලිංගික නීතිඥයා වීම ගැන මම ආඩම්බර වෙමි.” 2017 වන විට පාකිස්තානයේ සංක්‍රාන්ති ලිංගිකයන් ලෙස හඳුනාගන්නා පුද්ගලයින් 500,000 කට ආසන්න සංඛ්‍යාවක් සිටිති. පාකිස්තාන පාර්ලිමේන්තුව විසින් 2018 දී නීතියක් සම්මත කරන ලද අතර එය සංක්‍රාන්ති ලිංගිකයන් සමාන පුරවැසියන් ලෙස නීතිය යටතේ පිළිගැනීමට ලක් කර ඇති අතර වෙනස් කොට සැලකීම් සහ හිරිහැරවලින් ආරක්ෂා විය.
රාඕට අනුව, ඇගේ මේ ගමන් මාර්ගය නීතිඥ මට්ටමින් අවසන් නොවේ. ඇය දිනක පාකිස්තානයේ පළමු සංක්‍රාන්ති ලිංගික විනිසුරුවරයා වීමට අපේක්ෂා කරයි. සංක්‍රාන්ති ලිංගික ප්‍රජාව සඳහා එකිනෙකාට උපකාර කළ හැකි උපකාරක දුරකථන අංකයක් සැකසීමට ද රාඕ කටයුතු කරයි. සංක්‍රාන්ති ලිංගිකයන් සඳහා මහලු නිවාසයක් ඉදිකිරීමට ද ඇයට අවශ්‍යය.
අප්‍රතිහත ධෛර්යයකින් අණූන ඇයට අපි සුබ පතන්නෙමු ! ඔබ ඔබේ සිහින සැබෑකරගනු නොඅනුමානය.