Hexa නමින් මේ ගෙනාපු චිත්‍රාවලිය මෑත කාලයේ කලාගාර අවකාශයක් රසිකයන්ගෙන් පිරවූ ප්‍රදර්ශනයක්. බහුවිධ අනන්‍යතා ඔස්සේ මේ සස්ශ්‍රීක වන්නේ දෘශ්‍ය කලා කෙතයි. එකිනෙකා කලාවේ භාෂාව ලිහා ගනිමින් ගමන් කරන බවක් පේන ප්‍රදර්ශනයක්. හොඳ නරක හෝ උසක් පහත් බවක් නැතුව විවිධ වෙනස්කම් ඔස්සෙ මේ ප්‍රදර්ශනය කියවා ගන්න පුලුවන්. සමහර කෘති විසින් හදන පඨිතයන් critical වන ගමන්ම සමහර කෘති විසින් ගේන්නෙ භාවය එක්ක ගමන් කරන ආත්මීය දේවල්. දැනුම පාදක, සිද්ධි පාදක සහ ආත්ම පාදක ලෙසින් සංකල්පගතව ගේන චිත්‍ර අතේ පයේ හැකියාව සහ සංකල්පිය කාරණාවක් ලෙස දකින්න ලැබුනා. Visual art ඇතුළෙ තියෙන විවෘතකම තුළම මේ ප්‍රදර්ශනය ඇතුළෙ ආර්ට් එක්ක ගේන craft එක හරිම වැදගත් එකක්. මොකද වචන ඇතුළෙ 90 දශකයේ ගෙනා උත්තරාරෝපිත කලා භාවිතය අන්තිම කාලයේ සාරයක් නැති මතුපිටක් බවට පත්වෙලා මේ craft එක මගහැරුනා. නිදහස ලෙස ආර්ට් ඇතුළෙ ඕනම දෙයක් passion එකෙන් fashion දක්වා ගමන් කරන විදිය තමයි 90 දශකයේ බොහෝ විට සිදු වුනේ. මහාචාර්‍ය ජගත් වීරසිංහ 90 දශකය තුළ සිදු කළ මැදිහත්වීම මේ සමග අහෝසි වන බවක් මෙයින් අදහස් වෙන්නෙ නෑ.
මේ 90 දශකයෙන් පසු බිහිවූ ප්‍රවණතාවල එකතුවක් ලෙස මේ Hexa ප්‍රදර්ශනය නම් කරන්න පුලුවන්. පුද්ගල කේන්ද්‍රීයව අවර වරප්‍රසාද යටතේ සංවිධාන ගත දේශපාලනය යටතේ කාන්සාවට පත් තරුණ තරුණියන්ගේ ඛේදවාචකයන් වෙනුවට මේ හයදෙනා බහුත්ව පාඨනයන් ඔස්සේ මාතෘකා ගෙන ඒම තමයි අපූර්වත්වය .මෑත කාලයේ කණ්ඩායම් ගත ප්‍රදර්ශනයක් ලෙස ඉතාමත් සංවිධිත ප්‍රදර්ශනයක් මේක. ඇකඩමික විනයත් නිදහස් ආරත් එක්ක හයදෙනා අනන්‍ය වන විදියේ එක වගේ නොවන හයදෙනෙක් තමයි අපි මේ ප්‍රදර්ශනයෙන් දකින්නෙ.
වැඩ ටික එසේ වෙද්දි මේ ප්‍රදර්ශනය curate වීමේ මොකක්දෝ අඩුවක හැඟීමක් මටනම් දැනුනා. ගැලරි අවකශය දෙකට ඉබේම බෙදිල පෙනුනා. දොරෙන් ඇතුළු වන පැත්තේ දකුණ පැත්ත ශානක, විකුම් සහ සහන් ලෙස දැවැන්ත චිත්‍ර එක්ක ඒ තිදෙනාගෙම අඳුරු වර්ණ කලාපයක් වෙනම පේන්න ගත්තා සහ ප්‍රමාණයෙන් විශාල නිසා කෘති ප්‍රමාණය වැඩි බවක් පෙනුනෙ. අනෙක් පැත්තේ කසුන්ගෙ කෘතිය හැර අනෙක් කෘති සාපේක්ෂව කුඩායි. ඒ කෘති ටික ස්ථානගත කර තිබූ ආකාරය අනෙක් පස කෘති ටිකට වඩා දැනෙන්න සහ පේන්න ගත්තා ඒ නිසා කසුන්ගේ චිත්‍රයේ ආකෘතිය විසින්ම ඉල්ලා සිටි අවකාශය මගහැරීම නිවරදි curator කෙනෙකුගේ සහාය මගහැරිමේ ප්‍රථිඵලයකි. කසුන්ගෙ කෘතිය දෙපැත්තෙ බිත්ති දෙකෙන් කුමන හෝ පැත්තක හරි මැදට ගෙනාවනම් කුමක් සිදුවෙයිද කියල ප්‍රදර්ශනය බලපු ඔබ imagine කරල බලන්න. දෙයක් කියව ගන්න act එකක් තියෙන්න ඕන. මේ එහෙම act එකක්. මගහරින්න හෝ අභිමුඛ වන්න මේ act එක පාවිච්චි කරන්න.
ප්‍රගීත් රත්නායක
