තිඹිරියාගම බණ්ඩාර: ග්‍රාමීය විකල්ප නවීනත්වයක ආදර්ශයක්

Share post:

ඉහත සදහන් වන්නේ මා ඉදිරි වසර හෝ දෙක තුළ රචනා කිරීමට බලාපොරොත්තුවන කෘතියක නමයි. මේ කෘතිය ලිවීමේ පෙළඹවීම මා තුළ ඇති කළේ මේ ඡායාරූපයයි. වයස අවුරුදු විසිඑකක තරුණයෙක් ලෙස Thimbiriyagama Bandara මෙහිදී සිය කොළඹින් දුර බැහැර දිළිදු ග්‍රාමීය නිවසේ මේ ඡායාරූපයට පෙනී සිටින්නේ මාර්ටින් වික්‍රමසිංහගේ මානව විද්‍යාව හා සිංහල සංස්කෘතිය කෘතිය අතේ තබාගෙනයි. ඔහු මේ පොත මිලදී ගත්තේ වයස අවුරුදු 16 දී බව ඔහු කියයි. මේ යුගය සිංහල ගැමි තරුණයා ජවිපෙ කැරළිකාරිත්වය වටා පෙළ ගැසෙමින් සිටි යුගයයි. එකී තරුණ කැරළිකාරිත්වය ග්‍රාමීය නවීනත්වයේ ඓන්ද්‍රීය අංගයක් විය. එසේ තිබියදී ඊට තවත් තරුණ පිරිසක් අතර පැතිර තිබූ වෙනස් ආකාර නවීනත්වයක් මේ ඡායාරූපයෙන් නියෝජනය වේ.

තිඹිරියාගම බණ්ඩාර කොළඹ විශ්වවිද්‍යාලයට පැමිණියේ 1985 අගදීය. එවිට මා කොළඹ විශ්වවිද්‍යාලයේ දෙවන වසරේය. ඔහු පැමිණි විගස දිවයින පුවත්පතට නවකවදයට විරුද්ධව මෙන්ම විශ්වවිද්‍යාල සිසුන් අතර පවත්නා බුද්ධිමය අපරිනතභාවය විවේචනය කරමින් ලිපියක් ලිවීය. මේ ලිපියට මා අයත් වූ ස්වාධීන ශිෂ්‍ය සංගමයේ පිරිස්වලට යකා නැග්ගේය. ඔවුහු තිඹිරියාගම බණ්ඩාර හැදින්වූයේ “තිඹිරියාගම පැත්තේ ජුන්ටෙක්“ නමිනි. නමුත් මගේ අදහස මේ “තිඹිරියාගම පැත්තේ ජුන්ටා“ගෙන් ග්‍රාමීය තරුණ දේශපාලන නවීකරණයේ වැදගත් පැත්තක් නියෝජනය වන බවයි. ඇත්ත වශයෙන් ම එය ග්‍රාමීය තරුණ කැරළිකාරිත්වය හමුවේ පරාජයට පත් වූ නවීනත්වයකි. මගේ මේ (පොරොන්දු) කෘතිය ඒ පිළිබදවයි.

නිර්මාල් රංජිත් දේවසිරි (fb)

Related articles

කච්චතිව් නඩුව සහ මෝදිගේ ලංකාගමනය !

ඉන්දීය අගමැති නරේන්ද්‍ර මෝදි ලබන 05 වැනිදා ලංකාවට පැමිණීමට නියමිත ය. එහිදී ඔහු සාම්පූර් ප්‍රදේශයේ ඉදිකිරීමට සැලසුම් කර...

කැන්ගරු කැබ්ස් Genie Business සමග එක් වී Tap to pay ගෙවීම් ක්‍රමය හඳුන්වා දෙයි !

වසර 35ක් පාරිභෝගික විශ්වාසය දිනා ගනිමින් ශ්‍රී ලංකාවේ කුලී රථ සේවාවේ ප්‍රමුඛයෙකු වන කැන්ගරු කැබ්ස් නව තාක්ෂණයේ ඉදිරි...

“නාඔටුන්නගෙ කවි බහුතරය ගේන්නෙ වළ දාපු දුකක්” – ‘කළු පැහැති කුඩා පොත’

කළු පැහැති කුඩා පොත - සචින්ත ප්‍රමෝද් නාඔටුන්න මම වැඩිපුරම ආස පෙම් කවි කියවන්න. දැන් මං ආස පෙම් කවි...

මහාධිකරණ විනිසුරුවරුන්ට අධිකරණ සේවා කොමිසමෙන් වත්කම් ගැන ලිඛිත දැනුම්දීමක් !

විනිසුරුවරුන් නොවන අධිකරණ නිලධාරීන් 2024 සඳහා වාර්ෂික වත්කම් සහ බැරකම් ප්‍රකාශන ඉදිරිපත් කිරීමට අපොහොසත් වීම සම්බන්ධයෙන් තොරතුරු ලබාදෙන...