පාකිස්තානයේ භාරකාර අගමැතිවරයා ලෙස සෙනෙට් සභික අන්වර් උල් හක් නම් කර ඇතැයි එරට මැතිවරණ කොමිසම නිවේදනය කර තිබේ.
ඒ අනුව එරට අඩුම ජනගහනයක් ඇති බලුකිස්තාන ප්රාන්තය නියෝජනය කරන ප්රකට දේශපාලකයකු නොවන අන්වර් උල් හක් මීළඟ මැතිවරණය පවත්වන තුරු පාකිස්තානයේ රාජ්ය නායකයා ලෙස කටයුතු කරනු ඇත.
පාකිස්තානයේ මීළග මැතිවරණය දින 90ක් ඇතුළත පැවැත්විය යුතුව ඇති අතර, පාකිස්තානයේ නව ජන සංගණනයේ ප්රතිඵල සම්බන්ධව පසුගිය සතියේදී උද්ගත වූ ගැටලුකාරි තත්ත්වය හේතුවෙන් මැතිවරණය කල් යනු ඇතැයි ද එරට මාධ්ය පෙන්වාදෙයි.
එමෙන්ම එරට ඡන්ද කොට්ඨාස නැවත සකස් කිරීමට මැතිවරණ කොමිසමට වැඩි කාලයක් අවශ්ය වනු ඇති බවද මාධ්ය වාර්තාවල සඳහන් වේ.
පසුගිය බදාදා රජය විසුරුවා හැරීමෙන් පසු අගමැති ධුරයට සමු දුන් ශෙබාස් ෂරීෆ් සහ විපක්ෂ නායක රාජා රියාස් අතර දින තුනක් පුරා පැවැති සාකච්ඡාවකින් අනතුරුව අන්වර් උල් හක්ගේ නම යෝජනා වී ඇත.
කෙසේවෙතත් මේ වනවිට පාකිස්තානයේ දැඩි දේශපාලන මෙන්ම ආර්ථික අස්ථාවරභාවයක් පවතින අතර වාර්ෂික උද්ධමනය 35%ක තරම් ඉහළ මට්ටමක පවතී
එමෙන්ම යෝජිත භාරකාර අගමැතිවරයා වන අන්වර් උල් හක් නියෝජනය කරන බලුකිස්තානය පාකිස්තානයේ අඩුම සංවර්ධිත ප්රාන්තය ලෙසද සැලකේ.
සබැඳි පුවත්
- පකිස්තානයේ බෝම්බ ප්රහාරයක් : මැතිවරණය මෙම වසර අගදී
- පාකිස්තානය : මැයි 09 විරෝධතාකරුවන්ට යුද අධිකරණයෙන් දඬුවම් ?
- ඉම්රාන් හිතවාදීන් දඩයමක් : හමුදාව යොදවා ව්යාපාර මුද්රා තබයි !
- පාකිස්තාන් අගමැතිගේ නිවසට ප්රහාරයක් – චෝදනාව ඉම්රාන් ඛාන්ගේ පාර්ශවයට!
- වෙඩි තැබීමකින් ඉම්රාන් ඛාන්ට තුවාල – එක් අයෙක් මියයයි