ඉන්දීය ශ්රේෂ්ඨාධිකරණය විසින් විපක්ෂ නායක රාහුල් ගාන්ධිට එරෙහි අපහාස නඩුවකට වරදකරු කිරීම අත්හිටුවා තිබේ.
2019 වසරේදී කර්නාටක ප්රාන්තයේ මැතිවරණ රැලියකදී “මෝදි” වාසගම අලලා සිදුකරන ලද අපහාසාත්මක ප්රකාශයක් හේතුවෙන් සූරත් හි දිස්ත්රික් අධිකරණයක් රාහුල් ගාන්ධි වරදකරු කරමින් වසර දෙකක සිර දඬුවමක් නියම කළේ පසුගිය අප්රේල් 23 වනදාය.
මෙම අධිකරණ තීන්දුවත් සමග රාහුල් ගාන්ධි ලෝක් සභාවට නුසුදුස්සකු බවට ආණ්ඩු පක්ෂය තීරණය කළ අතර එයත් සමග ඔහුගේ මන්ත්රීධූරය අහෝසි කිරීමට කටයුතු කෙරිණි.
එපමණක් නොව රාහුල් ගාන්ධිට මන්ත්රී නිල නිවසෙන් ඉවත් වන ලෙසත් දැනුම් දී තිබිණි.
මේ අතර සූරත්හි අධිකරණය විසින් නියම කළ සිර දඬුවමට එරෙහිව රාහුල් ගාන්ධි අභියාචනයක් ඉදිරිපත් කළ අතර එහි තීන්දුව ප්රකාශයට පත්කරමින් ඊයේ (04) අධිකරණය පෙන්වාදුන්නේ සිර දඬුවමක් ලබාදීමට තරම් අපහාසයක් කළ බවට දක්වා ඇති හේතු ප්රමාණවත් නොවන බවයි.
කෙසේවෙතත් අදාල තීන්දුවෙන් පසු රාහුල් ගාන්ධිට යළි පාර්ලිමේන්තුවට පිවිසීමට අවස්ථාව ලැබී ඇති අතර, ලබන වසරේ මහ මැතිවරණයට ඉදිරිපත්වීමටද හැකියාව ලැබෙනු ඇතැයි එරට මාධ්ය පෙන්වාදෙයි.
සබැඳි පුවත්
- කර්ණාටක ප්රාන්ත මැතිවරණය : මෝදි පරදා රාහුල් ජය ගනියි
- ගාන්ධිට පාර්ලිමේන්තු අසුන අහිමි කිරීම පිළිබඳ ජාත්යන්තරයේ අවධානය
- “මෝදි”ට සොරා කියූ ගාන්ධිගේ මන්ත්රීධූරය අහෝසියි
- “මෝදි” ට අපහාස කල රාහුල් ගාන්ධිට දඬුවමක්
- අදානිගේ වත්කම් ගැන රාහුල් ප්රශ්න කරයි
- ලංකාව මෙහෙයවන මෝදිගේ නියෝජිතයා : අදානිගේ වත්කම් ඩොලර් බිලියන 34කින් පහතට !