ඉක්වදෝරයේ සහ උතුරු පේරු හි වෙරළබඩ කලාපයේ ආශ්‍රිත රික්ටර් මාපක 6.8 ප්‍රබල භූමිකම්පාවක් ඇතිව තිබේ.
විදෙස් මාධ්‍ය සඳහන් කරන්නේ ඉන් පුද්ගලයින් 14 දෙනෙකු පමණ මියගොස් අතර 380 කට වැඩි පිරිසක් තුවාල ලබා ඇති බවත් නිවාස, පාසල් සහ වෛද්‍ය මධ්‍යස්ථාන කිහිපයකටම හානි හානි සිදුව ඇති බවයි.
භූමිකම්පාව ගුවායාස් පළාතේ බලඕ නගරයේ සිට කිලෝමීටර් 10 ක් (සැතපුම් 6.2) පමණ දුරින් කිලෝමීටර් 66.4 (සැතපුම් 41.3) ගැඹුරින් සිදුව ඇත.
ඉක්වදෝරයේ භූ විද්‍යා ආයතනයට අනුව මූලික භූමිකම්පාවෙන් පසුව ඊළඟ පැයේදී දුර්වල පසු කම්පන දෙකක් ඇතිව ඇති අතර සුනාමියක් තත්වයක් පිලිබඳ අවධානමක් නොමැති බවද බලධාරීහු පවසති.
මේ අතර පේරු බලධාරීන් පැවසුවේ භූමිකම්පාව රටේ උතුරු ප්‍රදේශයට දැනුණද මිනිසුන්ට හෝ ගොඩනැගිලි හානියක් පිළිබඳ වාර්තා නොමැති බවයි.
මේ අතර මෙරට යළි භූ කම්පන දෙකක් සිදුව තිබේ. ඊයේ (18) සවස රිච්ටර් මාපක 2.6ක භූ කම්පනයක් කිරින්ද ප්‍රදේශයෙන්ද අද (19) ගෝමරන්කඩවල ප්‍රදේශයට රිච්ටර් මාපක 3ක පමණ භූ කම්පනයක්ද සිදුවී ඇත.
මෙම භූ කම්පා ද්විත්වය ම පොළොව මතු පිට සිට කිලෝමීටර් 10ක් ගැඹුරින් සිදු වී ඇත.
මේ සම්බන්ධයෙන් භූ විද්‍යා සමීක්ෂණ සහ පතල් කාර්යාංශය මාධ්‍ය වෙත පවසා තිබුණේ මෙය ජනතාව බිය විය යුතු තත්ත්වයක් නොවන බව යි.
සබැඳි පුවත්