තුර්කි – සිරියා භූමිකම්පාවෙන් මියගිය සංඛ්‍යාව 36,000 ඉක්මවා ගොස් ඇතැයි විදෙස් මාධ්‍ය වාර්තා කරයි.
එම වාර්තා වලට අනුව ඊයේ (13) සඳුදා වනවිට තුර්කියේ අවම වශයෙන් පුද්ගලයින් 31,643 ක් සහ සිරියාවේ පුද්ගලයින් 4,614 ක් මිය ගොස් තිබේ.
භූමිකම්පාවෙන් පසු සිරියාවේ මිලියන 5.3 කට ආසන්න ජනතාවකට නිවාස අහිමි වී ඇති අතර තුර්කියේ සහ සිරියාවේ 900,000 කට ආසන්න පිරිසකට උණුසුම් ආහාරවල හදිසි අවශ්‍යතාවයක් පවතින බවද එම සංවිධානය පෙන්වාදෙයි.
එක්සත් ජාතීන්ගේ ආධාර වැඩසටහනේ ප්‍රධානි මාර්ටින් ග්‍රිෆිත්ස් පවසන ආකාරයට විපතටපත්වූවන් ගලවා ගැනීමේ වැඩසටහන අවසන් කිරීමට නියමිතව ඇති අතර, එනමුත් උතුරුදිග සිරියාවේ විපතටපත් ජනතාව ගලවාගැනීමේ මෙහෙයුම් අසාර්ථක බවය.
ඒ නිසා උතුරුදිග සිරියා ජනතාව මෙකී මෙහෙයුම්වලින් අතහැරදැමූ ජනතාව ලෙස පිළිගැනීමට සිදුව ඇති බවය.
මේ අතර මාස තුනක කාලයක් සඳහා තුර්කියේ සිට දේශසීමා හරස් මාර්ග දෙකක් ඔස්සේ සිරියාවට ආධාර ලබා ගැනීම සඳහා එක්සත් ජාතීන්ගේ සංවිධානයට ඉඩ දීමට සිරියානු ජනාධිපති බෂාර් අල් අසාද් එකඟ වී ඇත.
එමෙන්ම සිරියාවේ, Hay’et Tahrir al-Sham ආයුධ සන්නද්ධ කැරලිකරුවන්ගේ කණ්ඩායම් සමග ඇති ගැටළු හේතුවෙන්, රජය විසින් පාලනය කරන ලද ප්‍රදේශවලින් කැරලිකරුවන්ගේ පාලන ප්‍රදේශය වලට ආධාර අත්හිටුවා ඇතැයි එක්සත් ජාතීන්ගේ සංවිධානයට පවසා සිටී.
සබැඳි පුවත්