තුර්කි – සිරියාවේ භූමිකම්පාවෙන් මියගිය සංඛ්‍යාව 21,000 ඉක්මවා ඇතැයි විදෙස් මාධ්‍ය වාර්තා කරයි.
උප ජනාධිපති Fuat Oktay ට අනුව තුර්කියේ අවම වශයෙන් පුද්ගලයින් 17,674 ක් මියගොස් ඇති අතර සිරියාවේ අවම වශයෙන් 3,377 ක් මියගොස් ඇත.
විදෙස් මාධ්‍ය සඳහන් කරන පරිදි විනාශ වූ ගොඩනැගිලි තුළ තවදුරටත් පුද්ගලයන් සිරවී සිටින අතර එරට පවතින දැඩි ශීත කාලගුණ තත්ත්වය හේතුවෙන් මුදාගැනීමේ මෙහෙයුම්වලට බාධා එල්ල වී තිබේ.
මේ අතර මුදාගත් පිරිස් වෙතද කුඩාරම්, ආහාර, ජලය සහ සෞඛ්‍ය පහසුකම් ප්‍රමාණවත්ව හිමි නොවීම තුළ තවත් ව්‍යසනයක් සිදුවිය හැකි බව ලෝක සෞඛ්‍ය සංවිධානය අනතුරු අඟවා තිබේ.
එමෙන්ම මෙම භූමිකම්පාවත් සමග නිවාස සහ ප්‍රධාන ගොඩනැගිලි විනාශ වීමෙන් පසු විපතටපත් දරුවන් හට ආහාර, නවාතැන් සහ උණුසුම් ඇඳුම් හි අවශ්‍යතාවයක් ඇති බව Save the Children ආයතනය පෙන්වාදෙයි.
සබැඳි පුවත්
දරුණු භූ කම්පනයෙන් තුර්කිය සහ සිරියාව කැළඹෙයි – ගලවා ගැනීමේ මෙහෙයුම්වලටත් බාධා