අද තමයි Final එක!
මාසෙකට ආසන්න කාලයක් බලාගෙන හිටපු පාපන්දු ලෝක කුසලාන අවසන් මහා තරගය පටන් ගන්න ඉතිරි වෙලා තියෙන්නෙ තවත් පැය කිහිපයක් විතරයි. ලොකු ලොකු කතා ඕනි නෑ. මැච් එක ගැන කෙලින්ම කතා කරමු.
ප්‍රංශය, ප්‍රංශය කියන්නේ මෑත ඉතිහාසයේ ඉන්ටර්නැෂනල් ලෙවල් එකේ සෑහෙන වැඩ කොටසක් දාපු ටීම් එකක්. 2016 යුරෝ අනුශූරතාවය, 2018 පාපන්දු ලෝක ශූරතාවය, අන්තිමට තිබුණ 2020/21 නේෂන්ස් ලීග් ශූරතාවය දිනාගන්නත් ප්‍රංශයට පුළුවන් වුණා. සුපිරි තරු ගොඩක් වගේම ඩිඩියර් ඩෙශැම්ප්ස්(didier deschamps) ගේ පුහුණුකාරිත්වය මේකට ලොකුම හේතුවක්.
ප්‍රංශය ගත්තම එයාලට ඉන්නවා සුපිරිම ඇටෑක් එකක්. ක්‍රිස්ටෝපර් න්කුන්කු (Christopher Nkunku), කරීම් බෙන්සෙමා නැති වුණත් ප්‍රංශයට ඉන්න ඇටෑක් එක මොන වගේද කියලා මේ World Cup එකෙන් බලාගන්න පුළුවන්. ඩෙම්බෙලේ සහ ම්බප්පේ කියන දෙන්නම පට්ට ස්පීඩ් වින්ගර්ස්ලා දෙන්නෙක්. ඒ දෙන්නගේ ස්පීඩ් එක ඩිෆෙන්ස් එකට පට්ට හිසරදයක් වෙනවා. ඔලිවර් ජිරූ කියන්නේ ඕනිම වෙලාවක ඔලුවක් දාන්න, බැරිම වුණොත් බයිසිකල් කික් එකක් හරි ගහන්න පුළුවන් එකෙක්. කොහෙන් හරි ගෝලයක් ගහන්න පුළුවන් ඩයල් එකක්. සෑහෙනම අමාරු ඇටෑක් එකක් ප්‍රංශයට ඉන්නවා. ග්‍රීස්මාන් ගහන්නේ බොක්ස් ටු බොක්ස්. ගෝල් නොගැහුවට ග්‍රීස්මාන් තමයි ෆ්‍රාන්ස් එවුන්ගේ හාට් එක.
ටූනමන්ට් එකට කලින් පොග්බා, කාන්ටේ නැති නිසා මිඩ්ෆීල්ඩ් එක බුල යයි කියලා හිතුවට අවුරෙලියන් ටුචුනෙමි වගේ අය හොඳට මිඩ් එකට සෙට් වුණා. පිටිපස්සේ ඉන්න රෆායෙල් වෙරානේ ට සෑහෙන්න අත්දැකීම් තියෙනවා. තියෝ හර්නැන්ඩස් හොඳටම ගහනවා. කිසිම ප්‍රශ්නයක් නෑ. ඔතන ආජන්ටිනා වලට ලොකුම ඇණයක් වෙන හාදයෙක් වෙන්නෙත් තියෝ. දැනට ඔය තියෝ හර්නැන්ඩස් ගේ දණහිසේ කේස් එකක් අරකයි මේකයි, රෆායෙල් වෙරානේ ටයි කොනාටේ ටයි වයිරස් එකක් කිව්වට් ඕවා එකක් වත් ප්‍රශ්නයක් වෙන්නෙ නෑ. එයාලා අද මැච් එක ගහනවා.
1998 ෆයිනල් එකට කලින් බ්‍රසීලේ රොනාල්ඩෝ ට හොඳටම උණ හැදෙනවා. ඒත් රොනාල්ඩෝ ෆයිනල් එක ගහනවා. ඕකත් ඒ වගේම සීන් එකක් තමයි. කොහොමත් ෆයිනල් එකකට කලින් පොඩි පොඩි කතා දෙක තුනක් යන එක සාමාන්‍ය දේවල්. ප්‍රංශය දකුණු ඇමරිකානු ප්‍රතිවාදියෙක් ලෝක කුසලාන අවසන් මහා තරගයකදී හමු වෙන්නේ 1998 දි විතරයි. ඔවුන් ඒ අවුරුද්දේ බ්‍රසීලය ගෝල 3-0 ක් විදිහට පරාජයට පත් කළා.
ෆ්‍රාන්ස් ඇටෑක් එකේ තියෙන අතිශය භයානක කම නිසා ආජන්ටිනාව අද සෙන්ටර් බැක්ස්ලා තුනක් ගහන්න ලොකු ඉඩකඩක් තියෙනවා. නිකොලස් ඔටමෙන්ඩි, ක්‍රිස්ටියන් රොමේරෝ එක්ක ලිසන්ඩ්‍රෝ මාර්ටිනෙස් කියන තුන් දෙනාම ස්ටාට් කරන්න ලොකු ඉඩකඩක් තියෙනවා. මාකස් ඇකුනා සහ ගොන්සාලෝ මොන්සියාල් මේ වෙද්දි යෙලෝ කාඩ් නිසා මැච් එකක් Suspended වුණාට ෆයිනල් එකට ඉන්නවා. එහෙම වුණොත් ඇකුනා එක්ක මොලීනා දෙපැත්තෙන් වින්ග් බැක්ස් දෙකක් ගහයි.
ප්‍රශ්නේ වෙන්නේ ඈන්හෙල් ඩි මරියා ස්ටාට් කරනවද නැද්ද කියන එක. ඩි මරියා කියන්නේ ආජන්ටිනා වල ඉන්න බිග් ගේම් ප්ලේයර්. ෆයිනල් වලට එහෙම මිනිහාව අනිවාර්යයෙන්ම ඕනි. ඒත් ස්කැලෝනි සෙන්ටර් බැක් එකේ 3 ක් ගහන්න ගියොත් ඩි මරියා ට ස්ටාට් කරන්න ඉඩක් ලැබෙන එකක් නෑ. ඩි මරියත් ඕනි, ෆ්‍රාන්ස් ඇටෑක් එක නවත්තන්නත් ඕනි. මේක දැනට ලොකු ප්‍රශ්නයක් වෙලා තියෙනවා.
සාමාන්‍යයෙන් මෑත ඉතිහාසයේ දී ප්‍රංශය හිර වුණේ වේගෙන් ගහපු ටීම් වලදි. විශේෂයෙන්ම අවස්ථා කිහිපයකදීම ඔවුන් ඩෙන්මාර්ක් පේස් එකට අහු වුණා. World Cup එකේදි ගහගත්තත් නේෂන්ස් ලීග් එකේදි එහෙම සෑහෙන්න අහුවෙන විදිහ දකින්න ලැබුණා. ප්‍රශ්නේ කියන්නේ ආජන්ටිනාව එහෙම ස්පීඩ් ගහන ටීම් එකක් නොවෙන එක. ආජන්ටිනාවට මේ වෙලාවෙදි ෆ්‍රාන්ස් ඩිෆෙන්ස් එක කඩන්න පුළුවන් වෙන්නෙ මෙසීගෙන්. එක්කො මෙසීව පාවිච්චි කරලා ඩිෆෙන්ස් එකෙන් වැඩි කොටසක් එතනට ගෙන්වීම. නැත්තන් මෙසීගෙන් මැජික් පාස් එකක්.
අන්තිමට ඉතින් ස්කොඩ් දෙක බැලුවම විවාදයක් නෑ. ප්‍රංශය සෑහෙන්න ඉදිරියෙන් ඉන්නවා. අත්දැකීම්, නවකයෝ මේ ඔක්කොම ප්‍රංශයට ඉන්නවා කිසිම ප්‍රශ්නයක් නෑ. අනිත් පැත්තෙන් ආජන්ටිනාව එන්නෙ මේක මෙසී වෙනුවෙන් දිනන්න. මිරකල්ස් වෙනවා. හැබැයි සමහර වෙලාවට එහෙම වෙන්නෙත් නෑ. ක්‍රොඒෂියාව 2018 ෆයිනල් ආපු එක මතක් කරගන්න. මෑත කාලීනව ඩෙශැම්ප්ස් ගහපු විදිහට වැඩි වාසි තියෙන්නෙ ප්‍රංශයට. ඔවුන්ගේ ස්පීඩ් ඇටෑක් එකටයි සොලිඩ් ඩිෆෙන්ස් එකටයි. එතනින් එහාට වෙන දෙයක් බෝනස් තමා.
අද ප්‍රතිඵලය මොකක් වුණත් මේ ටූනමන්ට් එක හොඳටම එන්ජෝයි කරන්න මෙසී ඇතුළු ආජන්ටිනා බලඇණිය කටයුතු කළා. ගෝල් ඇසිස්ට්ස් වක්කරපු විදිහෙන් මෙසී කියන්නේ කවුද කියලා මුළු ලෝකෙටම බලාගන්න පුළුවන් වුණා. 2014 ත් ෆයිනල් පරාදයි. මේ පාර පරාද වුණොත් කලින්ට වඩා දරාගන්න ටිකක් අමාරු වෙයි. ඒත් සෞදි මැච් එක කෑවට පස්සෙ හිනා වුණ, ට්‍රොල් කරපු හැමෝටම මෙසී කියන්නෙ කවුද ආජන්ටිනා කියන්නේ කවුද කියලා උන් ඔප්පු කරලා ඉවරයි. මේක ෆයිනල් එකක්. වැඩි අමාරුවක් නැතුව ඉවර කරලා දාමු. රිසාල්ට් එක මොකක් වුණත් ආජන්ටිනාව මේ කරපු දේ ගැන පට්ටම සතුටුයි.