වැඩ බලන නීතිපති පාරින්ද රණසිංහගේ නම නීතිපති ධුරයට මේ සතියේ නිර්දේශ කිරීමට නියමිත ය.
ජනාධිපති රනිල් වික්රමසිංහ විසින් හෙට (03) හෝ අනිද්දා (04) ආණ්ඩුක්රම ව්යවස්ථා සභාවට මේ නිර්දේශය යොමුකිරීමට නියමිත බව වාර්තා වේ. ඊයේ (01) වැඩ බලන නීතිපති ධුරයේ දිවුරුම් දුන් පාරින්ද රණසිංහ යනු 1988 – 1991 කාලයේදී හිටපු අග විනිසුරු පාරින්ද රණසිංහගේ පුත්රයෙකි.
මේ අතර මේ පතිකිරීම සම්බන්ධයෙන් නීතිපති දෙපාර්තමේන්තුව තුළ ආන්දෝලනාත්මක තත්ත්වයක් ද මතුවී තිබේ. ඊට හේතුව වී ඇත්තේ ජ්යෙෂ්ඨත්වයෙන් පරිබාහිරව මේ පත්කිරීම සිදුකිරීමට ජනාධිපතිවරයා කටයුතු කිරීමයි.
31 වැනි නීතිපතිවරයා ලෙස කටයුතු කළ සංජය රාජරත්නම් පසුගිය 27දා විශ්රාම ගත්තේය. ඒ ඔහුට මාස හයක සේවා දිගුවක් ලබාදීම සඳහා දරන ලද දෙවැනි උත්සාහයත් ආණ්ඩුක්රම ව්යවස්ථා සභාවෙන් ප්රතික්ෂේප කිරීමෙන් පසුව ය.
දෙපාර්තමේන්තුවේ ජ්යෙෂ්ඨත්වය අනුව මීළඟට සිටින්නේ සොලිසිටර් ජනරාල් ඉන්දිකා දේමුනි ද සිල්වා සහ ජ්යෙෂ්ඨ අතිරේක සොලිසිටර් ජනරාල් ප්රියන්ත නාවාන ය. මේ නිලධාරීන් දෙදෙනා ම ආසන්න කාලයේදී විශ්රාම යෑමට නියමිත නිසා, ලැයිස්තුවේ මීළඟට සිටින්නේ ජ්යෙෂ්ඨ අතිරේක සොලිසිටර් ජනරාල් අයේෂා ජිනසේන ය. ජ්යෙෂ්ඨ අතිරේක සොලිසිටර් ජනරාල් පාරින්ද රණසිංහ සිටින්නේ ජ්යෙෂ්ඨත්ව අනුපිළිවෙළේ ඊළඟට ය.
පාරින්ද රණසිංහ සම්බන්ධයෙන් ඇතැම් පාර්ශ්ව සඳහන් කරන්නේ ඔහු අත්යවශ්ය තීරණ ගැනීමට පසුබටවන්නෙකු ලෙස ය. ඊට වඩා සෘජු තීරණ ගන්නා අයෙකු ලෙස ද අයේෂා ජිනසේන ප්රකට ය.