වයස අවුරුදු 12 ට වැඩි සියලුම ගැහැණු දරුවන්ට පාසල් අධ්යාපනය සහ විශ්ව විද්යාල අධ්යාපනය තහනම් කළ තලේබාන් රජය එම වයස් සීමාව වෙනස් කරමින් අවුරුදු 10 සහ 10 ට ගැහැනු ළමයින්ට පාසැල් අධ්යාපනය තහනම් කර තිබේ.
ඔවුන් එරට පාසල් සහ උසස් අධ්යාපන ආයතනවලට උපදෙස් දී ඇත්තේ වයස අවුරුදු 10ට වැඩි ගැහැනු ළමයින්ට එම ආයතන වලට ඇතුල් වීමට ඉඩ නෙදෙන ලෙසයි.
මෙම නවතම නීතිය සම්බන්ධයෙන් අදහස් දක්වමින් නම් සඳහන් කිරීමට අකමැති අධ්යාපන ක්ෂේත්රයේ සේවය කරන රාජ්ය නොවන සහ රාජ්ය ආයතන නිළධාරීන් විදෙස් මාධ්ය වෙත පවසා ඇත්තේ නව නීතිය පිළිබඳ නිර්දේශ සහ නියෝග ලැබුණු තම ආයතන වලට ලැබුණු බවයි.
කෙසේවෙතත් එරට ගැහැණු දරුවන් ඉලක්ක කර ගනිමින් සිදුකරන මෙම මර්දනයන් ජාත්යන්තර රටවල දැඩි අප්රසාදයට හා විවේචනයට ලක් ව ඇත.
ඇෆ්ගන් කාන්තාවන්ගේ අඳුරු අනාගතය
මින් පෙර තලේබාන් රජය කාන්තා රූපලාවන්යාගාර පවත්වාගෙන යෑම තහනම් කළ අතර ජාත්යන්තර රාජ්ය නොවන සංවිධානවල සහ වෙනත් සංවිධානවල සේවය කිරීම තහනම් කළේය.
එමෙන්ම කාන්තාවන්ට ලෙඩුන්ට උපස්ථාන කිරීම හැර සියලුම ආකාරයේ රැකියා තහනම් කළ අතර කාන්තාවන්ට රියදුරු බලපත්රය ලබා දීම, බුර්කාව නොමැතිව එළිමහනේ ගැවසීම සහ පිරිමියෙකු නොමැතිව රට තුළ කුලී රථ වල ගමන් කිරීමද තහනම් කලේය.
සබැඳි පුවත්