යුනෙස්කෝව 1995 වසරේ සිට අප්‍රේල් 23 වැනි දින ලෝක පොත් දිනය සැමරීමට පටන් ගත්තේය. කියවීම සහ ප්‍රකාශනය ප්‍රවර්ධනය කිරීම සඳහා විශේෂ දිනයක් සලකුණු කල එය . ශ්‍රේෂ්ඨ ඉංග්‍රීසි නාට්‍ය රචක විලියම් ෂේක්ස්පියර්ගේ මරණ සංවත්සරය දිනය පොත් සැමරීමේ දිනය ලෙස සනිටුහන් කරන ලදී.
ලෝකයේ දෙවැනියට විශාලතම පොත් නගරය අප අසල්වැසියාගේ නගරයකි. ඉන්දියාවේ කල්කටා යනු එහි සංස්කෘතික නගරයයි. ලොව දෙවැනි විශාලතම පොත් නගරය පිහිටා ඇත්තේ එහි විද්‍යාල මාවතේය නමට අනුව, කොලේජ් වීදිය කොල්කටා හි බොහෝ අධ්‍යයන ආයතන වලින් පෙලගැසී ඇත: කල්කටා විශ්ව විද්‍යාලය, සංස්කෘත විද්‍යාලය, ජනාධිපති පාසල, කොල්කටාවේ වෛද්‍ය විද්‍යාලය, වැනි ආයතන. පිරිවරා , මහත්මා ගාන්ධි පාර සහ බවුබසාර් හරස් මාර්ගය අතර මෙම කලාපය නගරයේ බුද්ධිමතුන් සඳහා සැබෑ තෝතැන්නක් බවට පත්ව ඇත.
සුප්‍රසිද්ධ විද්‍යාල වීදි වෙළඳපොල, නගර මධ්‍යයේම පිහිටි ලෝකයේ සියලුම පොත් ඇති වෙළඳපොලකි. යමෙක් මුළු වෙළඳපොලම සෙවූවද එහි තමා සොයන පොත සොයා නොගත්තේ නම්, ලෝකයේ කොතැනකවත් පොත නොපවතිනු ඇතැයි බොහෝ විට කියනු ලැබේ. එය ලෝකයේ විශාලතම දෙවන අත් පොත් වෙළඳපොල වන අතර ඉන්දියාවේ විශාලතම පොත් වෙළඳපොලද වන්නේය පොත් මිලදී ගැනීමට දැඩි ලෙස යාමෙන්. එය කුෂ්වන්ත් සිංගේ ප්‍රියතම තෝතැන්න විය.
වර්ග අඩි මිලියනයකට ආසන්න ප්‍රදේශයක් සහිත කොලේජ් වීදිය . සැතපුමක් දිග විශාල හා කුඩා පොත් සාප්පු සිය ගණනකින් සමන්විත වන අතර ඉන්දියාවේ විශාලතම ප්‍රකාශන ආයතනවල නිවහන ද වේ. සමහර පොත් සාප්පු උණ බම්බු, කැන්වස් හෝ ලෝහ තහඩු වලින් සාදන ලද කුඩා තාවකාලික කුටි දක්වා විහිදේ.
රවීන්ද්‍රනාත් තාගෝර් සහ සත්‍යජිත් රායි වැනි ප්‍රකට ඉන්දියානු ලේඛකයින් ගැන ඇත්ත මෙන්ම පච කෙළිමටද සතිපතා ඕපාදූප සඳහා ද නතර වී කතා කලහැකි , කොලේජ් වීදියේ සාහිත්‍ය ප්‍රධානතම අංගයක් වන්නේ සුප්‍රසිද්ධ ඉන්දියානු කෝපි හවුස් ය.
පැරණි පොත් කියවා නැවත විකුණනු ලබන පොත් මෙන්ම උණු උනු මුද්‍රණද මෙහි එක පෙලට තබා ඇත. මෙම පොත් නගරයේ විශේෂය වන්නේ පාරිභෝගියාට තමාට අතේ ඇති මුදලට කේවල් කිරීමේ හැකියාවයි ‘ දෙනව නම් දෙන්න ‘ කොටින්ම අලුත් එකක මිලට පරණ පොත් පහක් ඔබට මෙතැනින් පහසුවෙන් මිලදී ගත හැකියි. , ඉවසීම, හා කේවල් කිරීමේ කුසලතා වලින් ඔබ සන්නද්ධ නම් ඔබට මෙතැනින් රුපියල් 100කට ලබාගත හැකි සමහර පොත් වෙනත් තැනකින් රුපියල් 2000කට වඩා වැඩි විය හැක.
මෙහි සමහර පොත් වෙළෙන්දන් . ඔවුන් පාසැල සමත් නොවූවත්, ඔබට ඉංග්‍රීසි සාහිත්‍ය විශාරදයෙකුට කතා කරනවාක් මෙන් ඉංග්‍රීසි භාෂාවෙන් කතාකරනු ඇත. මෙම පදික වේදිකාව තවමත් විශාල පාරිභෝගිකයන් පිරිසක් සිටින ප්‍රධාන හේතුවක් වන්නේ පොත්වල දුර්ලභ එකතුවයි. වෝල්ට් විට්මන්, ඇන්ටන් චෙකොව් සහ සමර්සෙට් මෝම්ගේ පැරණි කෙටිකතා එකතුවක් ඔබට සොයාගත හැකිය. මෙහි විකුණුම්කරුවන් විශේෂිත පොත් කිහිපයක් ඔබට ලබා ගැනීමට අවශ්‍ය නම් නොපැකිල ඔවුන් ඔබේ ඉල්ලීම පවා ඉටු කරනු ඇත. හෙන්රි මිලර් සහ ඇලන් ගින්ස්බර්ග් විසින් පළමු සංස්කරණවල අත්සන් කළ පිටපත් ගැන සිතන්න! ඒවා පවා මෙහි තිබේ. හූග්ලි සහ බික්‍රම්පූර් ඉතිහාසය පිළිබඳ දුර්ලභ පොතක් පවා ඔවුන් සතුව ඇත. හොඳ ප්‍රමාණයේ බෑගයක් සහ නෝට්ටු පිරවූ සාක්කුවක් රැගෙන එහි යන්න (ඔවුන් පිළිගන්නේ මුදල් පමණි)
උපාලි ජයසිංහ
