හරුකි මුරකාමි සිය අලුත්ම නවකතාව සමඟින් ලබන මාසයේ නැවතත් පාඨකයා හමුවට පැමිණීමට නියමිත ය.
ඔහුගේ නවකතාමය පුනරාගමනය සිදුවන්නේ සය වසරකට පසුව ය. 2017 Killing Commendatore එළිදුටු පසු මුරකාමී අතින් ලියැවුණු පළමු නවකතාව මෙයයි.
ලබන අප්රේල් 13 වැනිදා මේ කෘතිය ජපානයේ දී මුද්රිත හා ඩිජිටල් යන මාධ්ය දෙකෙන්ම එළිදකිනු ඇත්තේ ජපන් භාෂාවෙන් පමණි.
එහි ඉංග්රීසි පරිවර්තනය සිදුවන්නේ කවදාදැයි තවමත් හරියටම දැනගන්නට නැත.
ලොව පුරා සුවිසල් පාඨක සමාජයක් හිමි මුරකාමිගේ මේ අලුත් නවකතාව ගැන දැනට දැනගන්නට ඇති කරුණු පහත පරිදි ය.
1 ජපන් බසින් එන මුල් කෘතිය පිටු 1200කින් පමණ සමන්විත ය.
- නවකතාව නම්කර ඇත්තේ The City and Its Uncertain Walls නමිනි.
3 එය “ආත්මය කලම්බාලන, 100% පිරිසිදු මුරකාමි ලෝකයක්” තුළ ස්ථාපිතකර ඇති අතර “කාලයක් තිස්සේ තීන්දු වී තිබූ කතාවක්” එහි ඇතුළත් වෙතැයි පැවසේ.
- එයට ඇත්තේ මුරකාමිගේ 1980 එළිදුටු කෙටිකතාවක නමම ය. එම කෙටිකතාව කිසිදා පොතක් ලෙස එළිනොදුටු, සාහිත්ය සරාවක පමණක් පළවූවක් වන අතර, ඒ කතාව සහ මේ කතාව අතර ඇති සම්බන්ධය කුමක්දැයි තවම කිව නොහැකි ය.
- ප්රකාශකයා විසින් නිකුත් කරනු ලැබ ඇති ප්රහේලිකාමය හැඳින්වීම මෙපරිදි ය: “මොනවා වුනත් කම් නැත, නගරයට යා යුතුයම ය. හුදකලා ලේඛනාගාරයක් තුළ ‘පැරණි සිහින’ අවදි කර ලිහා දමන්නාක් මෙන්, අගුලු දමා ඇති ‘කතාවක්’ නිහඬව ගමන් අරඹයි.
කතාව කුමක් ගැනදැයි කලින් කිසිදු ඉඟියක් නොමැතිව ඔහුගේ පොත් කියවීම අරඹන්නට කැමැති බව මුරකාමී රසිකයන් බොහොමයක් පවසන බැවින්, කතාවස්තුව ගැන තොරතුරු දැනට හෙළිදරව් නොකරන බව ප්රකාශන සමාගම පවසයි.
- AP/The Globe and Mail හා LITERARY HUB ඇසුරිණි.