අද (17 – සඳුදා) උදෑසන තුර්කියේ අෆ්සින් නගරයට කිලෝමීටර් 23ක් නිරිත දෙසින් රිච්ටර් මාපකයේ ඒකක 4.0 ක ප්රබල භූමිකම්පාවක් ඇති වූ බව එක්සත් ජනපද භූ විද්යා සමීක්ෂණායතනය වාර්තා කරයි.
විදෙස් මාධ්ය වාර්තා සඳහන් කරන ආකාරයට එහි බලපෑම නගර රැසකටම දැනී ඇති අතර, බොහෝ ජනතාව නිවෙස් අතහැර ආරක්ෂිත ස්ථාන වෙත යොමුව තිබේ.
2023 පෙබරවාරි 06 දින රිච්ටර් මාපක ඒකක 7.8 ක භූමිකම්පාවක් එහි ඇති වූ අතර, එය තුර්කියේ පළාත් ගණනාවකට බලපෑවේය.
එම භූමිකම්පාවෙන් තුර්කියේ සහ සිරියාවේ 48,000කට අධික පිරිසක් මිය ගිය අතර, ගොඩනැගිලි 173,000කට බරපතළ හානි සිදු විය.
එතැන් සිට මේ දක්වා තුර්කයේ විවිධ ස්ථානවල පසු කම්පන 10,000 කට ආසන්න සංඛ්යාවක් වාර්තා වී ඇත.
අද උදෑසන සිදුවූ භූමිකම්පාවෙන් ජීවිත හෝ දේපොළ හානි සම්බන්ධ තොරතුරු මෙතෙක් නිශ්චිතව අනාවරණය වී නොමැති බව වදෙස් මාධ්ය වාර්තා පෙන්වා දෙයි.
ලෝකයේ වඩාත්ම සක්රීය භූ කම්පන කලාපයක එවැනි ප්රබල කම්පනවලට මුහුණ දීමට හැකි වන පරිදි බොහෝ මහල් නිවාස ඉදිකර නොමැති බවට එරට බලධාරීන්ට චෝදනා එල්ල වේ.
එමෙන්ම එවැනි ප්රමිතියකින් තොර ගොඩනැගිලි ඉදිකිරීමට ඉඩදුන්නේ මන්දැයි තුර්කි ජනාධිපති රිසෙප් තායිප් එර්ඩෝගන් සහ ඔහුගේ රජයට ජනතාව චෝදනා කරයි.
සබැඳි පුවත්
- මලාවි තලා පෙලා දැමූ ‘ෆ්රෙඩී’ – ඉතා දුර්ලභ සහ ‘ඇදහිය නොහැකි භයානක තත්වයක්!’
- තුර්කියෙන් පසු ඉන්දියාවේ භූ කම්පන අවදානමක් : කොළඹට බලපෑම්? : වසර 02කට පෙරත් අත්දැකීමක් !
- දරුණු භූ කම්පනයෙන් තුර්කිය සහ සිරියාව කැළඹෙයි – ගලවා ගැනීමේ මෙහෙයුම්වලටත් බාධා
- රිච්ටර් මාපකයේ අංශක 8.5ක ප්රබල භූකම්පනයක් ගැන ෆ්රෑන්ක් අනාවැකි පළ කරයි
- උතුරුදිග සිරියාවේ ගලවාගැනීමේ මෙහෙයුම් අසාර්ථකයි : දේශසීමා හරස් මාර්ග දෙකක් විවෘත කරන්න අවසර
- තුර්කි – සිරියා ව්යවසනය : මියගිය සංඛ්යාව 21,000 ඉක්මවයි