මැතිවරණය කල් දැමීමට විරෝධය පළ පළ කරමින් ජාතික ජනබලවේගය විසින් ඊයේ (26) කොළඹ පැවති විරෝධතා පෙළපාලියට පොලිසිය එල්ල කළ ජල හා කදුළු ගෑස් ප්රහාර වලට ලක්ව තුවාල ලබා කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටි පුද්ගලයකු මියගොස් තිබේ.
සිද්ධියෙන් මියගොස් ඇත්තේ නිමල් අමරසිරි (60) නැමැති නිවිතිගල ප්රාදේශිය සභාවේ අපේක්ෂකයෙක් වන අතර ඔහු ශ්රී ලංකා වැවිලි සංස්ථාවේ හිටපු පරිපාලන නිලධාරියෙකි.
ඊයේ (26) පස්වරුවේ කොළඹ විහාර මහා දේවී උද්යානය අසලින් ඇරඹි සාමකාමී විරෝධතා පා ගමනට ලිප්ටන් වටරවුම ආසන්නයේදී පොලිසිය ජල හා කඳුළු ගෑස් ප්රහාරය එල්ල කෙරිණි.
මෙහිදී පුද්ගලයන් 28 දෙනකු තුවාල ලබා කොළඹ ජාතික රෝහල වෙත ඇතුළත් කර තිබිණි.
අද පැවැති මාධ්ය සාකච්ඡාවකදී ජනතා විමුක්ති පෙරමුණේ ප්රධාන ලේකම් ටිල්වින් සිල්වා පවසා සිටියේ මෙම අහිමි වුණු ජීවිතයේ වගකීම රනිල් වික්රමසිංහ ප්රමුඛ ආණ්ඩුව ගත යුතුව ඇති බවයි.
සාමාකාමී උද්ඝෝෂණයකට පහර දෙමින් මිනිස් ජීවිත සමග සෙල්ලම් කිරීම ඉතාම බරපතල තත්වයක් බවත් එලෙස පහර දෙන්නේ රනිල් වික්රමසිංහලාගේ ඒකාධිපති පාලනය ආරක්ෂා කර ගැනීමට බවද ප්රධාන ලේකම් වරයා එහිදී පවසා සිටියේය.