එළැඹෙන මාර්තු 09 වැනිදා පැවැත්වීම නියමිතව තිබුණු පළාත් පාලන මැතිවරණයට සඳහා මුදල් ලබා නොදීමට එරෙහිව සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර විසින් ඊයේ (පෙබ. 21) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර තිබේ.
2023 වර්ෂය සඳහා අයවැය ඇස්තමේන්තු යටතේ මැතිවරණ පැවැත්වීම සඳහා මුදල් වෙන්කර තිබියදීත්, පලාත් පාලන මැතිවරණ පැවැත්වීම සදහා අවශ්‍ය මුදල් මැතිවරණ කොමිසමට ලබා නොදීම මගින් මූලික අයිතිවාසිකම් උල්ලංඝණය වී ඇති බව අදල පෙත්සමෙන් පෙන්වාදෙයි.
එමෙන්ම 2023 පළාත් පාලන ඡන්ද විමසීම් පැවැත්වීම සඳහා ක්‍රියාකාරකම් අය-වැය ඇස්තමේන්තු මගින් වෙන් කරන ලද මුදල් ලබා නොදීම වළක්වාලමින් අතුරු නියෝගයක් නිකුත් කරන මෙන් පෙත්සම්කරු ඉල්ලා සිටියේ ය.
අදාල පෙත්සම මගින් මුදල් අමාත්‍යංශයේ භාණ්ඩාගාර ලේකම්, මැතිවරණ කොමසාරිස් ජනරාල්, සහ නීතිපතිවරයා ඇතුළු නවදෙනෙකු වග උත්තරකරුවන් ලෙස නම් කර ඇත.