තායිලන්තයේ පතායා නුවරදී ලබන ජුලි 12 සිට 16 වැනිදා දක්වා පැවැත්වෙන ආසියානු මලල ක්‍රීඩා ශූරතා තරගාවලියට තමන් සහභාගී නොවන බව ශ්‍රී ලංකා කෙටි ධාවන ශූර යුපුන් අබේකෝන් ශ්‍රී ලංකා මලල ක්‍රීඩා (ආයතනයට) දැනුම් දී තිබේ.
සිය ඉතාලි ජාතික පුහුණුකරු ක්ලෝමියෝ උත්සාඩොලොන් උපදෙස් මත එම කාලවකවානුව තුළ දී යුරෝපයේ පැවැත්වෙන තරග මාලා කීපයකට තමන්ට සහභාගිවීමට සිදුව තිබෙන බැවින් මෙලෙස ආසියානු ශූරතා තරගාවලිය අත්හැර දැමීමට තීරණය සිදුවන බව ඔහු පෙන්වාදෙයි.
කෙසේ වුවත් ලබන සැප්තැම්බර් 29 වැනිදා සිට ඔක්තෝබර් මස 5 වැනිදා දක්වා චීනයේ ‘හංජෝ’ නුවර දී පැවැත්වෙන එහි ආසියානු ක්‍රීඩා උළෙලට තමන් සහභාගි වන බව ඔහු ශ්‍රී ලංකාවට දැනුම් දී ඇති බව සඳහන් වෙයි.
සබැඳි පුවත්