ඉතාලියේදී ඊයේ (07) පැවති ”FIRENZE SPRINT FESTIVAL” ජාත්‍යන්තර මලල ක්‍රීඩා උලෙළේ පිරිමි මීටර 200 ඉසව්ව සඳහා තරග වැදුණු ශ්‍රී ලංකා කෙටිදුර ධාවන ශූර යුපුන් අබේකෝන් එම ඉසව්වේ ප්‍රථම ස්ථානය හිමිකර ගැනීමට සමත්විය.
ඒ සඳහා ඔහුට තත්පර 20.60ක කාලයක් ගතවිය.
යුපුන් මේ වසරේ සහභාගිවූ පළමු ධාවන තරගයද මෙය වෙයි. යුපුන් පසුගිය වසරේ ද මීටර් 200 තරග කිහිපයකට සහභාගී වූ අතර එහි දී තත්පර 20.36ක කාලයකින් ඉසව්ව අවසන් කරමින් එම ඉසව්වේ ජාතික වාර්තාව බිඳ හෙළුවේය.
මීටර් 100 ඉසව්වේ දකුණු ආසියානු වාර්තාවට (තත්පර 9.96) හිමිකම් කියන යුපුන් එම ඉසව්ව තත්පර 10ට අඩු කාලයකින් අවසන් කළ එකම දකුණු ආසියානු ක්‍රීඩකයා ද වෙයි.