ඉන්දීය කණ්ඩායමට එරෙහිව ශ්‍රී ලංකා ක්‍රිකට් පිල සහභාගි වන තීරණාත්මක දෙවැනි විස්සයි20 තරගය අද (5) රාත්‍රී 7.00ට පූනේහිදී ආරම්භ වීමට නියමිතය.
පෙරේදා (03) දෙපිල අතර අතර මුම්බායි වන්කඩේ ක්‍රීඩාංගනයෙදී පැවති තරගයෙන් ලකුණු 2ක තියුණු ජයක් හිමි කරගත් ඉන්දියාව මේ වනවිට තරග 3කින් සමන්විත තරගාවලිය 1-0ක් ලෙස පෙරමුණ ගෙන තිබේ.
එම නිසා අද තරගය දෙපිලටම තීරණාත්මක තරගයක් වනු ඇතැයි ක්‍රිකට් විචාරකයින් මත පළ කර ඇත.
පූනේහි මහාරාෂ්ට්‍ර ක්‍රිකට් සංගම් ක්‍රීඩාංගණයට අද ශ්‍රී ලංකා පිල විස්සයි20 තරගයකින් පිවිසෙන්නේ තෙවැනි වරටය.
මින් පෙර 2016 සහ 2020දී ඉන්දියාවට එරෙහිව තරග දෙකකට සහභාගිවී ඇත.
ශ්‍රී ලංකා පිල 2016 දී සහභාගි වුණු තරගය කඩුලු 5කින් ජය ගැනීමට සමත්ව තිබේ.
සබැඳි පුවත්