පුනරුත්ථාපනයට සුදුසු බවට වෛද්ය වාර්තාවක් නොමැති කිසිවකු පුනරුත්ථාපන ක්රියාවලියට යොමුනොකරන ලෙස අධිකරණ සේවා කොමිෂන් සභාව විසින් සියලුම මහෙස්ත්රාත්වරුන් වෙත ලිඛිත ව දැනුම් දී තිබේ.
කොමිෂන් සභාවේ නියෝගයක් මත එහි ලේකම් එච්. සංජීව සෝමරත්න විසින් මහෙස්ත්රාත්වරුන් වෙත යවන ලද ලිපියක දැක්වෙන්නේ මානසික ආබාධ, සමාජ රෝග, බෝවන රෝග, ශාරීරික ආබාධ ඇති අය සහ දීර්ඝ කාලීන රොගාබාධවලින් පෙළෙන පුද්ගලයන් පුනරුත්ථාපන මධ්යස්ථාන වෙත යොමු නොකළ යුතු බවයි. මේ සම්බන්ධයෙන් අධිකරණ අමාත්යංශයේ අතිරේක ලේකම් පියුමන්ති පීරිස් විසින් 2024 අප්රේල් 30 දින තමන් අමතා ලිපියක් යොමුකර ඇති බව ද මහෙස්ත්රාත්වරුන් වෙත යැවූ ලිපියේ ලේකම්වරයා සඳහන් කර ඇත.
අන්තරායකර මත්ද්රව්යවලට ඇබ්බැහිවූ වයස අවුරුදු 18ත් 60ත් අතර පිරිස් පමණක් මේ පුනරුත්ථාපන මධ්යස්ථානවලට යොමුකරන ලෙස ද ලේකම්වරයා යවන ලද ලිපියේ දැක්වේ. ‘පුනරුත්ථාපන කාර්යාංශයේ ඉදිරි කටයුතු පිළිබඳව’ යන ශීර්ෂය යටතේ මේ ලිපිය යවා තිබේ.