ඇෆ්ගනිස්තානයට එරෙහිව පැවති තුන්වන සහ අවසන් එක්දින තරගය කඩුලු 4කින් ජයගැනීමට ශ්රී ලංකා කණ්ඩායම අද සමත් විය. ශ්රී ලංකාව මෙම තරගය ජයගැනීමත් සමග තරග 3කින් සමන්විත එක්දින තරගාවලිය 1ට 1ක් ලෙස සමව නිමාකිරීමට සමත් විය.
පල්ලෙකැලේ ජාත්යන්තර ක්රිකට් ක්රීඩාංගණයේ පැවති මෙම තරගයේදී ප්රථමයෙන් පන්දුවට පහරදුන් ඇෆ්ගනිස්තානය නියමිත පන්දුවාර 50 අවසානයේ කඩුලු 8ක් දැවී ලකුණු 313ක් රැස්කිරීමට සමත්විය.
එහිදී ඇෆ්ගනිස්තානය වෙනුවෙන් සුපිරි ඉනිමක් ක්රීඩා කළ Ibrahim Zadran ලකුණු 162ක් රැස්කළේය. Najibullah Zadran පන්දු 76කදී ලකුණු 77ක් රැස්කළේය.
මෙම අසීරු ඉලක්කය හඹා යාමට පිටියට පිවිසි ශ්රී ලංකා ආරම්භක පිතිකරු යුගලය වන කුසල් සහ පැතුම් ලකුණු 101ක සබඳතාවක් ආරම්භක කඩුල්ල වෙනුවෙන් ගොඩනැගූ අතර කුසල් මෙන්ඩිස් ලකුණු 67ක් සහ පැතුම් නිස්සංක ලකුණු 35ක් ලබාගත්තේය.
ශ්රී ලංකාව වෙනුවෙන් අගනා ඉනිමක් ක්රීඩා කළ චරිත් අසලංක ලකුණු 83ක් රැස්කරගැනීමට සමත්විය. දසුන් ශානක ලකුණු 43ක් රැස්කළේය.
අවසන් මොහොතේ පිටියට පිවිසි දුනිත් වෙල්ලාලගේ ප්රවේගකාරී ඉනිමක් දියත් කරමින් ලකුණු 31ක් රැස්කළේය.
පන්දු යැවීමේදී ඇෆ්ගනිස්තානය වෙනුවෙන් ශ්රී ලංකාවට ප්රබල අභියෝගයක් එල්ලකරමින් රෂීඩ් ඛාන් කඩුලු 4ක් දවාගැනීමට සමත්විය.
මොහොමඩ් නබී කඩුලු 2ක් දවාගැනීමට සමත්විය.