එක්සත් ජාතීන්ගේ 56 වැනි සැසිවාරයට ලංකාවේ අධිකරණ ස්වාධීනත්වය ගැන යෝජනාවක් !

Share post:

එක්සත් ජාතීන්ගේ මානව හිමිකම් කවුන්සිලයට ශ්‍රී ලංකාව පිළිබඳ යෝජනාවක් ඉදිරිපත් කළ රටවල් 06ක කණ්ඩායමක් විසින් මෙරට අධිකරණයේ ස්වාධීනත්වය ආරක්ෂා කරන ලෙස එම යෝජනාව මගින් ඉල්ලා තිබේ.

කැනඩාව, මලාවි, මොන්ටිනිග්‍රෝ, උතුරු මැසිඩෝනියාව, එක්සත් රාජධානිය සහ ඇමෙරිකා එක්සත් ජනපදය යන රටවලින් සමන්විත එම කණ්ඩායම, එක්සත් ජාතීන්ගේ මානව හිමිකම් කවුන්සිලයේ 56 වැනි සැසිවාරයේදී අවධාරණය කර ඇත්තේ ලංකාවේ නීතිය ක්‍රියාත්මක කරනු ලබන ආයතනවල විනිවිදභාවයක් තිබිය යුතු බවයි.

එක්සත් රාජධානියේ මානව හිමිකම් පිළිබඳ තානාපති රීටා ෆ්‍රෙන්ච් විසින් මේ ප්‍රකාශය සිදුකරන ලදි. එහි මෙසේ ද සඳහන් ය.

‘මානව හිමිකම් කඩකිරීම් සම්බන්ධයෙන් දීර්ඝ කාලයක් තිස්සේ පවතින දණ්ඩමුක්තිය ඉස්මතු කරන ශ්‍රී ලංකාවේ බලහත්කාරයෙන් අතුරුදහන් කිරීම් සම්බන්ධයෙන් වගවීම පිළිබඳ ඔබගේ මෑත වාර්තාවට ස්තූතියි. බලහත්කාරයෙන් අතුරුදහන් කිරීම් නිසා ඇති වන දුක් වේදනා සහ සියලු‍ ප්‍රජාවන්ට එහි බලපෑම විසඳීම සඳහා වන නිර්දේශ සමඟ සම්බන්ධ වන ලෙස අපි රජයෙන් ඉල්ලා සිටිමු.

අධිකරණ ස්වාධීනත්වය සහ රටේ නීති ආයතනවල ස්වාධීනත්වය සහ විනිවිදභාවය ආරක්ෂා කිරීමේ අවශ්‍යතාව අපි අවධාරණය කරමු. යාපනයේ අධි ආරක්‍ෂිත කලාපයෙන් ඉඩම් නිදහස් කිරීම අපි සාදරයෙන් පිළිගන්නා අතරම, ශ්‍රී ලංකාවේ උතුරු සහ නැගෙනහිර ඉඩම් අත්පත් කර ගැනීම් සම්බන්ධව පවතින ආතතීන් සහ අත්තනෝමතික අත්අඩංගුවට ගැනීම්, පොලිස් මෙහෙයුම් අතරතුර රඳවා තබා ගැනීම, අක්‍රමවත් සෝදිසි කිරීම් සහ අයහපත් සැළකීම් පිළිබඳ වාර්තා පිළිබඳ අපි කණස්සල්ලට පත්ව සිටිමු.’

Related articles

සිම්පල් සයිමනුයි සාරි ඇඳපු පිරිමියි – විෂ්ණු වාසුගේ සාංදෘෂ්ටික සහ විචිත්‍රවත් ලිවිසැරිය

නවකතාවක් කියෙව්ව ම ඒක හොඳටම දැනෙන්න බලපාන කාරණා කීපයක් මට තියෙනව. ඒ කාරණා ටික එකතු වුණ පොතක් කියවද්දි...

“බෙංගාලි සිනමා ඉතිහාසයේ මීට වඩා හොඳ දවසක් නොතිබුණි”

බංග්ලාදේශ් ප්‍රවීන චිත්‍රපට අධ්‍යක්ෂක අමිතාබ් රේසා 2021 කෑන්ස් සමිමාන උළෙලේ පළමු බංග්ලාදේශ චිත්‍රපටය ලෙස‘‘රෙහානා මරියම් නූර්‘‘ඉතිහාසයක් නිර්මාණය කරයි 2021 කෑන්ස්...

“කොත්තු රොටියේ උපත සිදුවූයේ තින්ඩිවනම් ගමේද කියලත් සැකයි”

කොත්තු තින්ඩිවනම් ගම පිහිටලා තියෙන්නේ තමිල්නාඩුවේ විල්ලුපුරම් නගරය ආසන්නයේ. මදුරාසියේ ඉඳලා කෝච්චියේ ගියොත් පැය දෙහමාරක ගමන. ඉන්දියාවේ ප්‍රාන්ත තුනක්,...

විශිෂ්ටයා ජේම්ස් ඇන්ඩර්සන්ගේ සමුගැනීම, මුරලිගේ ලෝක වාර්තාව සදාකාලික වෙයිද?

පසුගිය 12 දිනයේ එංගලන්ත ජයග්‍රහණයෙන් නිමාවූ එංගලන්ත - බටහිර ඉන්දීය කොදෙව් පළමු ටෙස්ට් තරගයෙන් පසුව ලෝක ක්‍රිකට් ඉතිහාසයේ...