හවායි දූපත්වල පිහිටා ඇති ලොව විශාලතම සක්රීය ගිනිකන්ද ලෙස සැලකෙන මවුනා ලෝවා ගිනිකන්ද නැවතත් සක්රීය වී ඇතැයි විදෙස් මාධ්ය වාර්තා කරයි.
පැසිෆික් සාගරයේ ඇමරිකාවට කිලෝමීටර් 2000ක් බටහිර දෙසට වන්නට පිහිටා ඇති හවායි දූපත් සමූහයට අයත් දූපතක පිහිටා ඇති මෙම ගිනිකන්ද අවසන් වරට සක්රීය වී ඇත්තේ 1984 වර්ෂයේදී ය.
එක්සත් ජනපද භූ විද්යා සමීක්ෂණ ආයතනය පෙන්වා දෙන්නේ ගිනිකන්දේ ස්වභාවය ක්ෂණිකව වෙනස්විය හැකි බැවින් අදාල ප්රෙද්ශය අවට විශාල අළු පතිතවීමක් බලාපොරොත්තුවිය හැකි බවයි.
ගිනිකන්ද සක්රීය වීමත් සමග ජනතාවට අනතුරු ඇඟවීම් නිකුත් කරනු ලැබූ අතරම අවදානම ‘ඉතා අවදානම්‘ තත්වයක පවතින බවට ප්රකාශ කරනු ලැබීය.
මේ වනවිට ගිනිකන්දේ එක් පැත්තකින් ලාවා ගලා බැසීම ආරම්භ වී ඇතත් ඒ ආසන්නයේ පිහිටි හවායි හි ගිනිකඳු ජාතික වනෝද්යානය අවට අවදානම් කලාපයක් ලෙස තවමත් නම්කර නොමැත.
කෙසේනමුත් ඇතිවිය හැකි තත්වයන් සලකා බලා මෙම දූපත් සමූහය වෙත පැමිණෙන ගුවන් යානා සඳහා විශේෂ දැනුවත් කිරීම් සිදුකර ඇති අතර සවුත්වෙස්ට් ගුවන් සේවය සිය ගමන්වාර ප්රමාණය ද සීමාකර තිබේ.
එමෙන්ම ආසන්නයේ පිහිටි හොනලුලූ දූපතේ ජනතාවටද ආරක්ෂිත පියවර අනුගමනය කරන ලෙස දැනුම් දී තිබෙන බව සැලවේ.
මෙම මවුනා ලෝවා ගිනිකන්ද හවායි හි ගිනිකඳු ජාතික වනෝද්යානය තුළ පිහිටා ඇති අතර එය හවායි දූපතේ වැඩි භූමි ප්රමාණයක පිහිටයි. ගිනිකන්ද මුහුදු මට්ටමේ සිට අඩි 13,679 (මීටර් 4,169) ඉහළට නැඟී ඇති අතර වර්ග සැතපුම් 2,000 (වර්ග කිලෝමීටර් 5,179) කට වඩා වැඩි ප්රෙද්ශයක් පුරා විහිඳී පවතී.