77 වැනි ජාත්යන්තර කාන් සිනමා සම්මාන උළෙල ( Festival de Cannes – 2024 ) පෙරේදා දින එනම් , 2024 මැයි මස 14 වැනි අඟහරුවාදා දින ප්රංශයේ දී මහත් අභිමානවත් ආකාරයෙන් ආරම්භ විය . මෙම විශිෂ්ට අන්තර්ජාතික සිනමා සම්මාන උළෙල මැයි මස 14 – 25 දක්වා පැවැත්වේ. මෙහි සමාරම්භක උත්සවය සදහා විශේෂ ආරාධනා ලැබ ලොව සිනමා ක්ෂේත්රයට සම්බන්ධ ප්රමුඛ අධ්යක්ෂකවරුන් හා නළු නිළියන් ද වෙනත් අංශවලට සම්බන්ධ ශිල්පීන්ද සහභාගිවූ බව විදෙස් මාධ්ය වාර්තා කරයි .
මෙවර කාන් අන්තර්ජාතික සිනමා සම්මාන උළෙලේ සමාරම්භක උත්සවය අන් කවරදාටත් වඩා ලෝක මාධ්යය සුවිශේෂී අවධානයට ලක්වූ සිදුවීමක් සිදුවිය . එය හැත්තෑහත්වසරක ( 1947 – 2024 ) කාන් සිනමා ඉතිහාසය උඩු-යටිකුරු කිරීමට සමත්වූ බව පෙනේ.
එනම් ඒ ප්රංශ ජාතික සම්මානීය අධ්යක්ෂකවරියක් වූ ජස්ටින් ට්රිට් ( Justin Triet ) විසින්ම අධ්යක්ෂණය කොට 2023 වර්ෂයේදී අන්තර්ජාතික කාන් සිනමා සම්මාන උළෙලේ දී වසරේ හොදම චිත්රපටයට හිමි Palmer Do’r සම්මානය හිමිකරගත් Anatomy of a Fall – 2023 ( Crime/Thriller ) චිත්රපටයේ සුවිශේෂී චරිතයක් නිරූපණය කරන ලද සැලී ( Sally ) නම් ලොවම ආකර්ශනය කරගත් බලු-සුරතලා විශේෂ අමුත්තකු වශයෙන් ආරාධනා ලැබ රතු-පලස මතින් සමාරම්භක උත්සවයට සහභාගිවීමයි.
මෙන්න .. ලෝක සිනමාවේ තත්ත්වය!!
අපේ සිනමාව තවමත් එෛතිහාසික, බෞද්ධ හා YouTube චිත්රපටය නිර්මාණය කරමින් එකතැන චොර වනවිට ලෝක සිනමාවේ රන්දෙවොල වෙත ගෞරවනීය ආරාධනාවකට අනුව බලු සුරතලුන් ද රතුපලස මතින් පැමිණෙන්නේ ය . අපි කාටද වැරදුණේ ?
පූජ්ය ඇතිපොළ මංගල හිමි
