රාජ්ය ඇමති ඩයනා ගමගේ ගේ පාර්ලිමේන්තු මන්ත්රී ධුරය අහෝසි කිරීමේ රිට් ආඥාවක් නිකුත් කරන ලෙස ඉල්ලා ගොනුකළ පෙත්සමක් විභාගයට ගැනීමට අභියාචනාධිකරණය නියෝග කළේය.
ඒ අනුව වගඋත්තරකරුවන්ට මේ සම්බන්ධයෙන් දෙසැම්බර් මස 12 වනදා අධිකරණය හමුවේ කරුණු දක්වන්නැයි දන්වා අභියාචනාධිකරණය විසින් නොතීසි ද නිකුත් කරනු ලැබීය.
එමෙන්ම වගඋත්තරකාර ඩයනා ගමගේ ගේ පුරවැසිභාවය සම්බන්ධ සියලු ලේඛන අධිකරණයට ඉදිරිපත් කරන ලෙසත් අභියාචනාධිකරණය විසින් ආගමන හා විගමන පාලකවරයා වෙත නියෝගයක් නිකුත් කළේය.
සමාජ ක්රියාකාරිකයෙකු වන ඔෂල හේරත් විසින් ඉදිරිපත් කළ රිට් පෙත්සමක් විභාගයට ගැනීමට අවසර දෙමින් සෝභිත රාජකරුණා සහ ධම්මික ගනේපොල යන අභියාචනාධිකරණ විනිසුරු මඩුල්ල විසින් මෙම නියෝගය නිකුත් කළේය.
සබැඳි පුවත්