2022 පාපන්දු ලෝක කුසලානයේ තවත් පෙරලිකාර ජයග්රහණයක් පෙරේදා වාර්තා වුණා. ඒ සිව් වරක් ලෝක ශූරතාවය දිනාගෙන ඉන්න ජර්මනිය පරාජයට පත් කරලා ජපානය ජයග්රහණය කිරීම. මේ ජයග්රහණයෙන් පස්සෙ ජපන් ජාතිකයෝ ප්රේක්ෂකාගාරය පිරිසිදු කළා විතරක් නෙමෙයි ජපන් ක්රීඩකයෝ තමන්ගේ ක්රීඩක විවේකාගාරයත් කුණු බිඳක් වත් නැතිවෙන විදිහට පිරිසිදු කරලා ගියේ.
2018 පාපන්දු ලෝක කුසලානයේ අවසන් 16 දෙනාගේ වටයේදී තරග වැදුණේ බෙල්ජියම සහ ජපානය. තරගයේ දෙවනි අර්ධයේ දී එක් අවස්ථාවක ගෝල 2-0 ක් විදිහට ජපානය තරගයේ ඉදිරියෙන් ඉන්නවා. හැබැයි ඒ වෙද්දි ලෝකයේ අංක 1 පාපන්දු කණ්ඩායම වුණ බෙල්ජියම අවසන් විනාඩියේදී කම්බැක් එකක් සම්පූර්ණ කරලා මේ මැච් එක 3-2 ක් විදිහට ජයග්රහණය කළා.
මේ ජයග්රහණයත් එක්ක ජපානයට ලෝක කුසලානයෙන් ඉවත් වෙන්න සිද්ධ වුණා. 2-0 ක් විදිහට ඉදිරියෙන් ඉඳලා ලැබුණ මේ පරාජය ක්රීඩාංගනයේ හිටපු ජපන් ක්රීඩකයෝ විතරක් නෙමෙයි ප්රේක්ෂකයොත් හඬවන්න සමත් වුණා. කොටින්ම සෑහෙන වෙලාවක් යනකන් මොකද වුණේ කියලා හිතාගන්න බැරි වුණ ජපන් ක්රීඩකයෝ තැන තැන වැටිලා හිටියා.
ඒ තරම් අනපේක්ෂිත හිත් රිදවපු පරාජයක් ලබලා තිබුණත් ප්රේක්ෂකාගාරයේ තිබුණ හැම කුණු බිඳක්ම එකතු කරන්න ජපන් ප්රේක්ෂකයෝ කටයුතු කළා. ක්රීඩා විවේකාගාරයට ඇවිත් එතන සුද්ධ කරපු ජපන් ක්රීඩකයෝ, එදා තමන් ලෝක කුසලානයෙන් ඉවත් වන බව දැනගෙන හිටපු නිසා රුසියානු භාෂාවෙන් ‘ස්තූතියි’ කියලා සටහනක් තියලා යන්නත් අමතක කළේ නෑ.